Merki Sameykis á smærri skjá

Grettisgötu 89
105 Reykjavik
Ísland

525-840
sameyki@sameyki.is
6202690-3449

20. apríl 2021

Sameyki mótmælir harðlega útvistun hjá Strætó bs.

Trúnaðarmannaráðsfundur Sameykis stéttarfélags í almannaþjónustu lýsir furðu og óánægju með opinbera umræðu framkvæmdastjóra Strætó bs. um hagkvæmni á útvistun á akstri strætisvagna sem birtist í Viðskiptablaðinu 9. apríl síðastliðinn. Er þar vísað í samlegðaráhrif ferðaþjónustufyrirtækja í einkaeigu sem geti samnýtt „… verkstæði, þvottastöðvar og fleira.“

Í viðtalinu við framkvæmdastjórann kemur fram, að nú þegar sé um 60% aksturs kominn í hendur einkaaðilanna Kynnisferða og Hagvagna. Vekur sú fullyrðing upp þá spurningu, hvar var ákveðið að þjónusta við borgaranna í almannasamgöngum ætti að færast til einkaaðila?

Þessi staða skýtur skökku við í ljósi þess að það er á ábyrgð stjórnenda Strætó bs. að reka ,,verkstæði, þvottastöðvar og fleira“ með skilvirkum hætti. Það er einnig ljóst að enginn félagsmaður Sameykis situr auðum höndum í vinnunni sinni. Ef stærðarsamlegð er í boði, ætti einmitt alls ekki að úthýsa þjónustunni því umfang strætisvagnakerfisins er slíkt, að ferðaþjónustufyrirtæki ættu ekki að geta keppt við öflugan og skilvirkan rekstur þess.

Staðan er einfaldlega sú, að forstjóri Strætó bs., heldur því fram að það megi komast hjá því að greiða starfsmönnum Strætó bs. samkvæmt kjarasamningum á opinberum markaði. Það er ábyrgðarleysi og skömm sveitarfélaga ef þau ætla sér að komast undan skyldum sínum og skuldbindingum sem samið hefur verið um, með því að úthýsa verkefnum sem þau eiga sjálf að bera ábyrgð á gagnvart samfélaginu. Þessi tilhneiging opinbera aðila er allt of algeng í samfélagi okkar og telst óþolandi í réttindabaráttu launafólks. Sameyki mótmælir því harðlega öllum hugmyndum um áframhaldandi útvistun í rekstri Strætó bs.

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)