Merki Sameykis á smærri skjá

Grettisgötu 89
105 Reykjavik
Ísland

525-8330
sameyki@sameyki.is
6202690-3449

12. ágúst 2021

Landsspítainn umbunar starfsfólki vegna álags

Sjúklingi ekið á milli deilda á Landspítalnum við Hringbraut. Ljósmynd/Axel Jón

Landspítalinn hefur ákveðið að umbuna starfsmönnum vegna mikil álags á spítalanum, en sjúkrahúsið er nú á hættustigi vegna COVID-19. Þetta kemur fram í minnisblaði sem kjaradeild spítalans sendi frá sér í dag. Umbunin er í formi aukatíma greiðslna í yfirvinnui. Um er að ræða heimild til stjórnenda til að umbuna starfsfólki sem tekur aukavaktir tímabilið 6. ágúst - 1. september 2021 vegna þeirrar bylgju COVID-19 sem nú gengur yfir samfélagið.

Í minnisblaðinu frá spítalnaum segir m.a.: „Ljóst er að mönnun á deildum sem fyrirséð er að verða fyrir mestum áhrifum af þeirri bylgju Covid19 sem nú gengur yfir, dugir ekki til þess að veita þá þjónustu sem á þarf að halda. Í ljósi þessa þurfa stjórnendur að fara fram á það að starfsmenn taki að sér aukna vinnu í formi aukavakta. Því hefur verið ákveðið að taka upp tímabundna umbun í formi aukatíma greiðslna í yfirvinnu með það að markmiði að mönnun verði fullnægjandi. Umbunin er fyrst og fremst sett fram með klíníska starfsemi Landspítala í huga og þær deildir sem talið er að verði fyrir hvað mestu raski vegna Covid19.

Umbun þessi er einnig ætluð til notkunar á deildum þar sem möguleg smit koma upp hjá sjúklingum / starfsfólki sem kallar á aukið viðbragð. Komi upp aðstæður á öðrum deildum sem kalla á aukið viðbragð vegna Covid19 geta stjórnendur með samþykki forstöðumanns / framkvæmdastjóra beitt þessari umbun.“

Sjá minnisblað frá LSH í heild sinni hér.


Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)