Merki Sameykis á smærri skjá

Grettisgötu 89
105 Reykjavik
Ísland

525-8330
sameyki@sameyki.is
6202690-3449

1. október 2021

Sameyki sterkt afl innan BSRB

Þórarinn Eyfjörð formaður Sameykis stéttarfélags í almannaþjónustu og 1. varaformaður BSRB. Ljósmynd/BIG

Þórarinn Eyfjörð, formaður Sameykis var kosinn 1. varaformaður BSRB á nýafstöðnu 46. þingi þess. Sameyki stéttarfélag í almannaþjónustu er stærsta stéttarfélagið innan sambandsins með um 12500 félagsmenn og mikilvægt er að opinberir starfsmenn hafi afl og sterka rödd til að hafa áhrif innan BSRB og utan þess til að ná fram réttindum félagsfólks m.a. í kjarasamningum, opinberri umræðu um kjara- og réttindamál, ályktanir stéttarfélagsins gangvart stjórnvöldum og samvinnu við þau, og baráttu fyrir betri kjörum opinberra starfsmanna. Hlutverk 1. varaformanns og formanns BSRB er ekki síst að veita stjórnvöldum aðhald þegar kemur að því að halda samfélaginu gangandi. Mikilvægi opinberra starfa og almannaþjónustu hefur aldrei verið meira.

Þórarinn Eyfjörð hefur í störfum sínum fyrir verkalýðshreyfinguna og Sameyki ekki legið á skoðunum sínum í þjóðmálaumræðunni og beitt sér fyrir mörgum réttlætis- og baráttumálum BSRB og opinberra starfsmanna og segir hann að svo verði áfram. „Ég er þakklátur fyrir að hafa verið kosinn 1. varaformaður BSRB á þinginu og ég mun af fullum krafti vinna fyrir okkar félagsfólk innan þess. Ég hlakka til samvinnunnar með formanninum Sonju Ýr Þorbergsdóttur og stjórn bandalagsins að þeim góðu málum sem við í BSRB höfum verið að vinna að.“

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)