Skrifstofu Sameykis lokað á Akranesi

Nú hefur skrifstofu Sameykis á Akranesi verið lokað. Dregið hefur úr verkefnum skrifstofunnar á Akranesi smátt og smátt, ekki síst vegna þess að rafrænum lausnum hefur fjölgað á vefnum þar sem hægt er að fræðast og sækja sér gögn og upplýsingar um kjaramál, styrktarsjóði, orlofsmál, fræðslumál, kannanir og fá fréttir úr starfi Sameykis.

Auk þess hefur heimsfaraldurinn að einhverju leyti líka dregið úr heimsóknum á skrifstofuna á Akranesi. Þá hafa erindi félagsmanna sem krefjast úrlausnar færst með auknum mæli til aðalskrifstofunnar í Reykjavík. Frekari upplýsinga sem félagsfólk okkar þarfnast er svo hægt að nálgast með símtali eða með tölvupósti.

Ingveldur Jónsdóttir sem verið hefur þjónustufulltrúi Sameykis á Akranesi lætur af störfum við þessi tímamót og þakkar starfsfólk Sameykis henni fyrir vel unnin störf fyrir félagið.