10. október 2022
Ríkisstjórn Katrínar gengur blygðunarlaust bak orð sinna
Ríkisstjórn Katrínar Jakobsdóttur stendur fyrir einkavæðingu á heilbrigðisstofnuninni á Vífilsstöðum.
Kristófer Ingi Svavarson, starfsmaður á Vífílsstöðum og trúnaðarmaður Sameykis á stofnuninni skrifaði grein, Hugleiðing úr allt að því þrotabúi, í ágúst sl. á visir.is og birtist í síðasta tímariti Sameykis um einkavæðingaráform stjórnvalda á Vífilsstöðum. Vakti hann athygli á því að heilbrigðisstofnunin hafi verið fjársvelt af stjórnvöldum í þeim lævísa tilgangi að einkavæða hana.
Kristófer Ingi segir nýlega í sinni annarri aðsendu grein á visir.is, Vífilsstaðir og óheilindi ráðamanna, að ríkisstjórn Katrínar Jakobsdóttur gangi á bak orða sinna og rifjar upp fund um hlutskipti og framtíð Vífilsstaða 4. október sl.
„Satt best að segja hélt ég ekki að ríkisstjórn Katrínar Jakobsdóttur myndi ganga svo blygðunarlaust á bak orða sinna! En á fundinum var starfsfólki tilkynnt að samið hefði verið um yfirtöku Heilsuverndar, einkarekins fyrirtækis í heilbrigðisþjónustu, á rekstri Vífilsstaða.
[...]
„Ríkisstjórn Katrínar Jakobsdóttur semur sem sé við Heilsuvernd um yfirtöku Vífilsstaða útboðslaust (í einu af þessum frægu reykfylltu bakherbergjum?). Og án nokkurs samráðs við stjórnendur og starfsmenn Landspítalans. Er það löglegt? Eða bara siðlaust?“