Kjaraviðræðum við Strætó bs. vísað til ríkissáttasemjara

Samninganefnd Sameykis ákvað á fundi sínum 10. september sl. að vísa kjaraviðræðum um endurnýjun á kjarasamningi Sameykis og Strætó bs. til ríkissáttasemjara.

Sameyki hefur reynt síðan 23. ágúst að fá fund til kjaraviðræðna en án árangurs. Telja fulltrúar samninganefndar félagsins að fullreynt sé ná samkomulagi milli aðila án milligöngu ríkissáttasemjara. Félagsfólk sem kjarasamningurinn nær til telur um 270 félagsmenn sem starfa hjá Strætó bs.