Helstu niðurstöður
Alls komust 14 stofnanir á lista í þessum flokki, sem er heldur minna en fyrri ár og því er listinn bara einn þetta árið en hann hefur verið tvískiptur fyrri ár, þ.e. skipt í minni og stórar stofnanir. Frístundamiðstöðin Tjörnin vermir efsta sæti á listanum yfir stofnanir sem tilheyra sveitarfélögum og fyrirtækjum borgarinnar.
Fyrirmyndarvinnustaðir
Auk þess að velja stofnun ársins í þessum flokki eru einnig valdir fjórir fyrirmyndarvinnustaðir. Auk Tjarnarinnar eru það Frístundamiðstöðin Gufunesbær, Norðlingaskóli, Frístundamiðstöðin Miðberg og Orkuveita Reykjavíkur sem verma efstu fimm sætin, eins og sjá má í töflu 4. Flestar þessara stofnana hafa vermt efstu sæti listans um árabil.
Fyrirmyndarstofnanir - borg og bær
1. Frístundamiðstöðin Tjörnin
2. Frístundamiðstöðin Gufunesbær
3. Norðlingaskóli
4. Frístundamiðstöðin Miðberg
5. Orkuveita Reykjavíkur
Hástökkvarar ársins 2021 í flokki stofnana sveitarfélaga og borgarstofnana
Hástökkvari könnunarinnar „Stofnun ársins – borg og bær“ er Frístundamiðstöðin Miðberg. Við útreikning á hástökkvurum er fyrst reiknuð raðeinkunn fyrir allar stofnanir á bilinu 1-100 og þá er reiknaður munur á raðeinkunn milli ára. Með þessari aðferð stekkur Miðberg lengst allra, eða um 39 sæti.
Sameyki óskar starfsmönnum og stjórnendum þessara stofnana innilega til hamingju með þennan glæsilega árangur og óskar þeim alls hins besta í framtíðinni.