Merki Sameykis á smærri skjá

Grettisgötu 89
105 Reykjavik
Ísland

525-840
sameyki@sameyki.is
6202690-3449

Úthlutunarreglur starfsmenntunar- og starfsþróunarsjóðs einstaklingar

Úthlutunarreglur styrkja til einstaklinga

  1. Þegar vinnuveitandi hefur greitt iðgjöld í sjóðinn í 6 mánuði af síðustu 12, öðlast félagsmaður aðild
    að sjóðnum. Félagsmaður sem hefur greitt minna en 18.000 kr. í félagsgjöld yfir árið eða 9.000 kr. á 6
    mánuðum á rétt á hálfum styrk. Lok aðildar. Réttindi falla niður 2 mán. eftir að síðasta greiðsla í
    sjóðinn berst.

  2. Falli greiðslur í sjóðinn niður vegna veikinda, fæðingarorlofs, foreldraorlofs eða launalaus leyfis skal meðhöndla þann tíma eins og um greiðslur hafi verið að ræða.

  3. Félagsmenn sem láta af störfum vegna aldurs halda aðild að sjóðnum í 6 mánuði eftir að greiðslu gjalda lýkur.

  4. Atvinnuleitendur. Félagsmaður í atvinnuleit getur nýtt sér áunninn rétt í sjóðnum eins og aðrir félagsmenn ef hann velur að greiða stéttarfélagsgjöld meðan á atvinnuleit stendur.

  5. Félagsmenn með annað móðurmál en íslensku geta sótt um styrk til íslenskukennslu þegar iðgjöld hafa verið greidd í sjóðinn í 1 mánuð. Að öðru leiti gilda ofantaldar greinar um aðild þeirra að sjóðnum.

    Upphæð styrks
    Greitt er að hámarki 150.000 kr. á tveggja ára tímabili (miðað við almanaksár) til einstaklings.
    Veittir eru styrkir fyrir eftirfarandi að fullu upp að 20.000 kr., en 80% af kostnaði sem fer umfram það.
    • Námi á framhalds- og háskólastigi
    • Námskeiðum
    • Ráðstefnugjöldum
    • Hjálpartæki til stuðnings við lestur og skrift vegna námsörðugleika.

    Ferðir og gisting vegna ráðstefna, námskeiða og starfstengdra náms- og kynnisferða erlendis eru styrkt að hámarki um 110.000 kr. og innanlands að hámarki 35.000 kr. Námsferðastyrkir greiðast vegna ferðakostnaðar og kostnaðar við gistingu. Félagsmaður skal leitast við að finna sem hægstæðust kjör á flugi og gistingu.

    Með hverri umsókn þarf að fylgja:

    • sundurgreining kostnaðar
    • ferðaáætlun og dagskrá sem stendur að lágmarki í 8 klst.
    • markmið ferðar og mat yfirmanns á því hvernig námsferð/ráðstefna muni nýtast í starfi.

Líða þurfa minnst þrjú ár á milli náms- og kynnisferða erlendis.

Íslenskunám fyrir félagsmenn af erlendum uppruna er styrkt að fullu en þó að hámarki 150.000 kr. á tveggja ára tímabili.

Lífsleikni og tómstundastyrkir eru að hámarki 20.000 kr. á ári.

Hvað er ekki styrkt?

Félagsmenn fá ekki styrk vegna uppihalds (fæðiskostnaðar), ferða innan borga og sveitarfélaga, launataps né vegna námsgagna.

Námið skal fara fram á þeim tíma sem félagsmaður er í starfi eða með sjóðsaðild, skv. ofangreindu.

Umsókn um styrk verður að berast skrifstofu félagsins innan árs frá lokum náms/verkefnis. Ekki er þó unnt að skila inn reikningi sem er eldri en 12 mánaða.

Aldrei eru greiddir hærri styrkir en sem nemur framlögðum reikningum.

Ákvarðanir sjóðsstjórnar um úthlutun taka mið af fjárhagsstöðu sjóðsins hverju sinni.

Sótt er um styrk á Mínum síðum

Úthlutunarreglur uppfærðar í febrúar 2019.

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)