Trúnaðarmaður Sameykis er kosinn af félagsmönnum á vinnustað til að gegna því mikilvæga hlutverki að vera tengiliður milli félagsmanna á vinnustað og atvinnurekenda annars vegar og milli félagsmanns og stéttarfélags hins vegar. Trúnaðarmanni ber að gæta þess að samningar á milli atvinnurekenda og starfsmanna séu virtir og að ekki sé gengið á rétt starfsmanna. Þeir standa þó aldrei einir því stjórn og starfsmenn félagsins eru þeim til stuðnings við að leysa úr vanda sem upp kann að koma og heyrir undir starfssvið félagsins.
Reglur um ferða - og dvalarkostnað trúnaðarmanna
Vakin er athygli á því að trúnaðarmenn geta alltaf óskað eftir því að fá í heimsókn á vinnustaðinn forystu eða starfsmenn félagsins til þess að kynna starfsemina eða ræða einstök málefni. Best er að hafa beint samband við Kristínu Ernu á skrifstofu Sameykis til að skipuleggja slíkar heimsóknir.