Merki Sameykis á smærri skjá

Grettisgötu 89
105 Reykjavik
Ísland

525-840
sameyki@sameyki.is
6202690-3449

Trúnaðarmannafræðsla

Hlutverk trúnaðarmanna er margþætt og er fjölbreytt fræðsla grunnur að því að trúnaðarmaður geti tekist á við hlutverk sitt.
Halda áfram

Uppbygging fræðslu trúnaðarmanna

Framboð fræðslu trúnaðarmanna Sameykis er unnið í samstarfi við annars vegar Félagsmálaskóla alþýðu og hins vegar í samstarfi við Fræðslusetrið Starfsmennt. Markmiðið með fræðslu trúnaðarmanna er að styrkja trúnaðarmanninn í því að takast á við margþætt hlutverk sitt. Trúnaðarmaður á að hafa vakandi auga með því að staðið sé við kjarasamninga á vinnustaðnum og að á engan hátt sé brotið á réttindum starfsmanna. Hann er tengiliður milli vinnustaðar og stéttarfélags og vinnur að lausnum þeirra ágreiningsmála sem upp koma á vinnustað.

Í samstarfi við Félagsmálaskólann er boðið upp á trúnaðarmannanám í 6 hlutum sem er byggt á vottaðri námsskrá þar sem tilteknir námsþættir eru ákvarðaðir útfrá þörfum hópsins. Einnig býður skólinn upp á styttri námskeið um málefni líðandi stundar, réttindi og kjör. Í samstarfi við Fræðslusetrið Starfsmennt býður Sameyki trúnaðarmönnum upp á símenntunarnámskeið sem styrkja hann enn frekar í hlutverki sínu. 

Trúnaðarmannanám Félagsmálaskóla alþýðu (FA)

Námið skiptist upp í 6 hluta og er hver þeirra tveggja daga langur, en hér er hægt að kynna sér þemu hvers hluta. Búið er að festa niður námskeið á haustönn 2021. Ekki þarf að taka námskeiðin í ákveðinni röð, því er um að gera að skrá sig á það námskeið sem hentar skipulagi hvers og eins. 

Skráning fer fram hér á vef Félagsmálaskólans. Athugið að við skráningu er óskað eftir kennitölu greiðanda sem er 620269-3449. Hér er myndband með leiðbeiningum fyrir skráningu í nýju námsumhverfi Félagsmálaskólans sem heitir Learncove. Unnið er að því að setja upp námskeiðin, þannig að ekki er öruggt að hægt sé að skrá sig núna, en þetta eru tímasetningarnar:

  • 15.09 og 22.09 , 1. hluti - Þjóðfélagið og vinnumarkaður/Trúnaðarmaður starf og staða (fjarnám 15.09, staðnám 22.09)
  • 11.10 og 12.10, 2. hluti - Samskipti á vinnustað/Starfsemi félagsins (staðnám)
  • 01.11 og 02.11, 3. hluti - Lestur launaseðla/Almannatrygginar og lífeyrissjóður (fjarnám).
  • 15.11 og 16.11, 4. hluti - Túlkun talna og hagfræði/Vinnuréttur (fjarnám)
  • 22.11 og 29.11, 1. hluti - Þjóðfélagið og vinnumarkaður/Trúnaðarm. starf og staða (fjarnám 22.11, staðnám 25.11)
  • 24.11 og 25.11, 5. hluti - Vinnueftirlit-vinnuvernd/Sjálfstyrking (fjarnám)
  • 06.12 og 07.12, 6. hluti – Samningatækni/Að koma máli sínu á framfæri (staðnám)

Félagsmálaskóli alþýðu (FA) er rekinn af BSRB og ASÍ en meginmarkmið skólans er að auka þekkingu talsmanna stéttarfélaga og efla þá í starfi til að gera þá enn betur í stakk búna til að vinna að bættum lífskjörum launafólks. Unnið er eftir námsskrá sem viðurkennd hefur verið af Mennta- og menningarmálaráðuneytinu en samtals er námið 96 kennslustundir. Námsskrá fyrir nám trúnaðarmanna má nálgast hér.

Símenntunarnámskeið í samstarfi við Starfsmennt

Á haustönn 2021 er lögð áhersla á fræðslu sem styður við nýkjörna trúnaðarmenn í bland við almenn námskeið sem henta einnig endurkjörnum trúnaðarmönnum. Námskeiðin eru í samstarfi við Fræðslusetrið Starfsmennt og verða sett upp ýmist sem staðnám eða fjarnám.Hér er heildarlisti námskeiðanna á vef Starfsmenntar:

Stytting vinnuvikunnar - fræðsluefni og upplýsingar

Til að auðvelda starfsfólki og stjórnendum að innleiða styttingu vinnuvikunnar hefur kynningarefni verið safnað saman hér. Námsstofur fyrir trúnaðarmenn vegna styttingu vaktavinnunnar voru haldnar í janúar og febrúar 2021, en námsstofur fyrir trúnaðarmenn á dagvinnustöðum voru haldnar á haustönn 2020. Sjá nánar um námsstofur hér.

Stytting vinnuvikunnar -umræðufundir

Fram hafa komið óskir um að Sameyki bjóði upp á umræðufundi fyrir minni hóp trúnaðarmanna Sameykis. Ákveðið var að bregðast við því og bjóða upp á þrjá fundi til að byrja með á Teams um leiðir og lausnir við innleiðingu á styttingu vinnuvikunnar.

  • Fundur 25. nóv. kl. 13:00-14:30 með Þórarni Eyfjörð, framkvæmdastjóra kjara og reksturs
  • Fundur 19. nóv. kl. 13:00-14:30 með Garðari Hilmarssyni, varaformanni Sameykis
  • Fundur 17. nóv. kl. 10:00-11:30 með Þórarni Eyfjörð, framkvæmdastjóra kjara og reksturs.
  • Fundur 12. nóv. kl. 14:30-16:00 með Árna Stefáni Jónssyni, formanni Sameykis.

Umræður á fundi trúnaðarmanna 10. nóv. 2020 


Handbók trúnaðarmanna

Á vef Félagsmálaskóla alþýðu er að finna handbók trúnaðarmanna þar sem fjallað er um trúnaðarmanninn - starf og stöðu, stéttarfélagið - gögn og erindi, kjarasmaninga og kauptaxta, réttindi launafólks, vinnuvernd, samskipti á vinnustað, hagfræði og launafólk, tryggingar, vinnustaðastarf og BSRB. Athugið að handbók fyrir trúnaðarmenn BSRB er neðan við ASÍ handbókina og ennþá neðar má finna hluta handbókarinnar á erlendum tungumálum. 

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)