júní 2026

Guðmundur Freyr Sveinsson tekur við nýju hlutverki hjá Sameyki

Sameyki hefur ráðið Guðmund Frey Sveinsson í starf sviðsstjóra kjara- og þjónustusviðs hjá félaginu. Um er að ræða nýtt stjórnandahlutverk innan Sameykis en á nýmótuðu Kjara- og þjónustusviði sameinast ábyrgð á kjaramálum, þjónusta við félagsfólk og fagleg ráðgjöf. Markmiðið með sviðinu er að styrkja þjónustu við félagsfólk, efla faglega yfirsýn og skýra ábyrgð og boðleiðir í málum sem varða kjör, réttindi og þjónustu.

Guðmundur Freyr þekkir vel til Sameykis og starfaði sem deildarstjóri kjaradeildar félagsins á árunum 2020–2023. Hann hefur einnig starfað sem sérfræðingur í kjaramálum og hefur víðtæka reynslu af starfi innan stéttarfélaga.

Guðmundur Freyr er með meistaragráðu í opinberri stjórnsýslu frá Háskóla Íslands. Auk reynslu sinnar af kjaramálum og stéttarfélagastarfi býr hann yfir stjórnunarreynslu úr skólastarfi og hefur gegnt ýmsum trúnaðar- og félagsstörfum.
Sameyki býður Guðmund Frey velkominn til starfa og hlakkar til samstarfsins.

15. júní 2026

Frestur til að sækja um styrki og sjúkradagpeninga í júlí

Vegna sumarlokunar á skrifstofu er síðasti dagur til að sækja um styrki í styrktarsjóð, starfsmenntunarsjóð og sjúkradagpeninga fyrir júlímánuð 15. júlí næstkomandi. Styrkumsóknir sem berast eftir þann tíma verða afgreiddar eftir 4. ágúst.

04. júní 2026

Bókaðu ráðgjöf hjá kjaradeild Sameykis

Nú geta félagsmenn Sameykis bókað ráðgjöf hjá kjaradeild félagsins í gegnum bókunarsíðu á vef Sameykis.
Á bókunarsíðunni er hægt að velja á milli þess að bóka símtal frá ráðgjafa kjaramála eða bóka ráðgjöf á skrifstofu Sameykis að Grettisgötu.

03. júní 2026

Könnunin sveitarfélag ársins í fullum gangi

Nú stendur yfir viðhorfskönnunin Sveitarfélag ársins. Könnunin er hluti af samstarfsverkefni bæjarstarfsmannafélaga og stéttarfélaga innan BSRB og nær til félagsmanna sem starfa hjá sveitarfélögum.

02. júní 2026

Öflugt málefnastarf og breytingar á starfsreglum á aðalfundi Frítímans

Aðalfundur Frítímans var haldinn þriðjudaginn 26. maí í fundarsal Sameykis. Fundurinn var vel sóttur og félagsfólk til fyrirmyndar. Á fundinum var farið yfir starfsemi og verkefni síðasta árs ásamt því að rædd voru helstu málefni sem snerta vettvanginn um þessar mundir. Þar bar hæst umræða um nýafstaðnar kosningar og möguleg áhrif þeirra, meðal annars hugsanlegan niðurskurð hjá Reykjavíkurborg og hvaða áhrif slíkar breytingar gætu haft á starfsemi frístundastarfs.

29. maí 2026

Orlofsuppbót 1. júní

26. maí 2026

Fjölskyldudagur í Heiðmörk

Sameyki stendur fyrir fjölskyldu og gróðursetningarferð í „Landnemareit“ Sameykis í Heiðmörk laugardaginn 6. Júní milli kl. 12 og 15, þar sem félagsfólki býðst að taka þátt í frekari gróðursetningu í reitnum. Boðið verður upp á veitingar fyrir alla fjölskylduna í fallegu umhverfi.

21. maí 2026

Steinunn Þorsteinsdóttir nýr upplýsingafulltrúi Sameykis

Steinunn Þorsteinsdóttir hefur verið ráðin upplýsingafulltrúi Sameykis og bætist í okkar öfluga hóp í sumar. Síðustu tíu ár starfaði hún sem upplýsingafulltrúi hjá Landsneti en gegndi þar áður sama hlutverki hjá Hafnarfjarðarbæ. Steinunn býr því yfir mikilli reynslu af upplýsinga- og samskiptamálum sem mun nýtast okkur vel.

20. maí 2026

Síðasti séns að tryggja sér miða í sumarferð Lífeyrisdeildar

Nokkrir miðar eru enn lausir í ferð á Snæfellsnesið undir leiðsögn Harðar Gíslasonar fimmtudaginn 25. júní og þriðjudaginn 30. júní.
Lagt verður af stað kl. 9.30 frá Tækniskólanum við Háteigsveg (Gamla Sjómannaskólanum).

15. maí 2026

Trúnaðarmenn ræða kjarasamninga og forsenduákvæði

Trúnaðarmannaráð Sameykis hittist á fundi í vikunni. Á fundinum kynnti orlofsdeild orlofskostum félagsins.
Sonja Ýr Þorbergsdóttir formaður BSRB kynnti forsenduákvæði kjarasamning og fór yfir stöðuna hjá opinberum starfsmönnum og talaði um þrjár mögulegar sviðsmyndir varðandi framvindu kjarasamninga í haust.

13. maí 2026

250 ár frá tilskipun um póstþjónustu á Íslandi

Í dag, 13. maí 2026, eru liðin 250 ár frá því að gefin var út fyrsta tilskipunin um skipulagða póstþjónustu á Íslandi. Með henni hófst formlegt skipulag póstsamgangna sem átti eftir að gegna mikilvægu hlutverki í þróun íslensks samfélags.