Kjarasamningar undirritaðir við Samtök fyrirtækja í velferðarþjónustu

Samkomulag um framlengingu og breytingu á kjarasamningi milli Sameykis stéttarfélags í almannaþjónustu og SFV, Samtaka fyrirtækja í velferðarþjónustu, var undirritað um kl. 10.30 í dag.

Kynningarfundur um kjarasamninginn verður haldinn á Teams þriðjudaginn 16. maí kl. 13:00 og miðvikudaginn 17. maí kl. 10:00.

Um leið og fyrri kynningarfundurinn hefst verður opnað fyrir atkvæðagreiðslu um kjarasamninginn og mun kosningin standa yfir til kl. 12 föstudaginn 19. maí. Kosning fer fram með rafrænum hætti inn á Mínum síðum og þar mun félagsfólk einnig geta nálgast samninginn undir Mín kjör.

Tenglar á Teams fundina verða sendir í tölvupósti í dag til félagsfólks í Sameyki sem starfar hjá Samtökum fyrirtækja í velferðarþjónustu.