Fréttir og greinar

07. október 2021

Viðhorf félagsmanna Sameykis til heimavinnu rædd í Speglinum

Formaður Sameykis, Þórarinn Eyfjörð, var í viðtali við fréttaþáttinn Spegilinn á rás eitt um könnun sem gerð var meðal félagsmanna Sameykis um viðhorf þeirra til heimavinnu í COVID-19 faraldrinum.

05. október 2021

Sameyki kallar eftir aðgerðum til að leiðrétta laun kvennastétta

Sameyki stéttarfélag í almannaþjónustu kallar eftir því að þegar í stað verði gripið til aðgerða til að leiðrétta laun kvennastétta sem vanmetin hafa verið um langt skeið.

01. október 2021

Sameyki sterkt afl innan BSRB

Þórarinn Eyfjörð, formaður Sameykis var kosinn 1. varaformaður BSRB á nýafstöðnu 46. þingi þess. Sameyki stéttarfélag í almannaþjónustu er stærsta stéttarfélagið innan sambandsins með um 12500 félagsmenn og mikilvægt er að opinberir starfsmenn hafi afl og sterka rödd til að hafa áhrif innan BSRB og utan þess.

30. september 2021

Þegar kona brotnar

Framvegis miðstöð símenntunar í samstarfi við Sirrý Arnardóttir býður uppá áhugaverðan, fræðandi og skemmtilegan netviðburð, Þegar kona brotnar– og leiðin út í lífið á ný. Sirrý á að baki 30 ára farsælan fjölmiðlaferil en starfar nú sem stjórnendaþjálfari, fyrirlesari, rithöfundur og kennari við Háskólann á Bifröst. Hún mun halda fyrirlestur út frá bók sinni, Þegar kona brotnar og leiðin út í lífið á ný, n.k. þriðjudag 5. Október kl. 20:00 - 21:30.

29. september 2021

Sonja Ýr endurkjörin formaður á 46. þingi BSRB

Sonja Ýr Þorbergsdóttir var í dag endurkjörin formaður BSRB til næstu þriggja ára á 46. þingi BSRB með 97,22 prósent greiddra atkvæða. Þingið, sem nú er nýlokið, var rafrænt vegna sóttvarnaraðgerða þegar það var boðað og var allri málefnavinnu sem til stóð að fara í á þinginu frestað þar til á framhaldsþingi.

29. september 2021

Þjóðin kýs almannaþjónustu!

Sonja Ýr Þorbergsdóttir, formaður BSRB setti 46. þing BSRB í dag klukkan tíu og stendur það til klukkan eitt í dag. Þingið er haldið með breyttu sniði vegna COVID-19 því ekki er tekin sú áhætta að sitja þing með mörg hundruð manns með tilheyrandi áhættu á smiti og slæmum afleiðingum í kjölfar þess. Því er það nú haldið með lágmarksfjölda í sal og í gegnum fjarfundabúnað.

29. september 2021

Ötul barátta BSRB skilar sér í bættu samfélagi

Katrín Jakobsdóttir, forsætisráðherra sagði á 46. þingi BSRB. að undir ötulli forystu bandalagsins lögðu samtök launafólks hér á landi í samstarfi við norræn systursamtök sín fram þýðingarmikla skýrslu síðastliðið vor um áhrif loftslagsbreytinga á hagkerfi og vinnumarkaða með áherslu á mikilvægi réttlátra umskipta í þeim umfangsmiklu breytingum sem samfélögin standa frammi fyrir.

28. september 2021

Bjarg íbúðafélag afhenti fimm hundruðustu íbúðina í dag

Bjarg íbúðafélag afhenti í dag 500. íbúðina að Gæfutjörn 22 í Úlfarsárdal ungri móður Hjördísi Björk Þrastardóttur. Íbúðin er 3ja herbergja á fjórðu hæð í fjölbýlishúsi efst í dalnum með fallegu útsýni til austurs og suðurs. Hjördís Björk var himinlifandi yfir nýju íbúðinni og þótti útsýnið fagurt.

28. september 2021

Stafræn hæfni er lykilhæfni

Við hjá Sameyki hvetjum félagsfólk að skrá sig á mjög áhugaverð ný tækninámskeið hjá Starfsmennt. Þessi tækninámskeið nýtast í dag og inn í framtíðina sem blasir við okkur öllum. Fjallað er um skýjalausnir, gervigreind, öryggi og ógnir í netheimum, sjálfvirkni og stýrikerfi m.a.

14. september 2021

„Ætla að leyfa mér að vera bjartsýnn“

Gylfi Magnússon, prófessor og forseti viðskiptafræðideildar Háskóla Íslands ræddi á trúnaðarmannaráðsfundi Sameykis sem haldinn var í dag um efnahagslífið í faraldri fyrir og eftir hrun. Fram kom í máli hans að horfurnar í efnahagslífinu eftir COVID-19 eru alls ekki svo slæmar að hans mati. Sagðist hann ætla að leyfa sér að vera nokkuð bjarsýnn á framtíðina þrátt fyrir allt. Sló prófessorinn á létta strengi í máli sínu og uppskar oft hlátur fundargesta þó fundarefnið hafi verið á alvarlegu nótunum. Sagði Gylfi að hallinn á ríkissjóði í faraldrinum hafi verið 230 milljarðar króna eða 130 milljónir á dag. Verg landsframleiðsla dróst hratt saman, jafnvel hraðar í faraldrinum en í hruninu, og landsframleiðsla dróst einnig saman líkt og á árunum 2008-9. Heildarmyndin sé þó samt vel viðráðanleg sagði Gylfi og peningalegar stærðir væru hagstæðar.