Fréttir og greinar

28. febrúar 2014

Fulltrúar SFR á fundi NSO

Öflugasta samstarfið sem SFR tekur beinan þátt í á alþjóðavettvangi er samstarfið á vettvangi NSO (Nordiska Statstjänstemännens Organisation).

Nú í vikunni var fundur í Kaupmannahöfn þar sem aðilar NSO hittust. Rætt var um stöðu kjaramála í hverju landi, auk stöðunnar á stjórnmálasviðinu.

25. febrúar 2014

Kjaradeila vegna Isavia vísað til sáttasemjara

Kjarasamningsviðræður SFR, FFR og LSS við SA vegna Isavia ohf hafa litlum árangri skilað síðustu fundi. Því hefur veriðtekin ákvörðun um að vísa málinu til ríkissáttasemjara og hefur beiðni þess efnis verið send sáttasemjara.

24. febrúar 2014

Könnunin á leið til félagsmanna - tökum þátt

Nú eru að hefjast útsending á könnunni um Stofnun ársins og launakönnuninni til félagsmanna SFR. Með þátttöku geta félagsmenn lagt sitt af mörkum í baráttunni fyrir betra vinnuumhverfi og bættum starfskjörum.

17. febrúar 2014

Símenntun og kjaraviðræður á fundi trúnaðarmanna

Á fundi Trúnaðarmannaráðs í síðast liðinni viku var m.a. fjallað ítarlega um símenntunarmöguleika félagsmanna. Eyrún Valsdóttir skólastjóri Félagsmálaskóla alþýðu kynnti skólann og Þórarinn Eyfjörð fjallaði um nýjar hugmyndir félagsins að fræðslu fyrir félagsmenn SFR.

13. febrúar 2014

Fundur stjórnar Starfsmenntunarsjóðs SFR frestast

Af óviðráðanlegum orsökum frestast fundur hjá stjórn Starfsmenntunarsjóðs SFR sem vera átti í dag. Nýr fundartími verður settur á vefinn strax og hann liggur fyrir.

12. febrúar 2014

Fjarkennd tölvunámskeið

Í samvinnu við tölvuskólann Nemandi.is býður Fræðslusetrið Starfsmennt netnámskeið þar sem byrjendum og lengra komnum er kennt á tölvur og ýmis hagnýt forrit.

Námskeiðin hafa hlotið frábærar viðtökur. Öll kennsla fer fram í fjarnámi, með aðferðum sem allir ráða við, undir öruggri leiðsögn og með stuðningi kennara, Bjartmars Kristinssonar.

Skráning og nánari upplýsingar hér.

10. febrúar 2014

Fjölmennt þorrablót Lífeyrisdeildar SFR

Þorrablót LSFR 2014 Árlegt þorrablót var haldið laugardaginn 8. febrúar að Grettisgötu 89, 1. hæð. Borðhald hófst kl. 12:00 og var þórrablótið vel sótt, tæplega 90 manns, enda uppselt. Ómar Ragnarsson, hinn fjölhæfi skemmtikraftur, kom og gerði gestum glaðan dag. Þórður Marteinsson spilaði á harmonikku.

Hér má sjá myndir.

07. febrúar 2014

Leynist í þér ljósmyndari?

Blað stéttarfélaganna hefur ákveðið að blása enn á ný til ljósmyndasamkeppni meðal félagsmanna SFR og St.Rv., enda var þátttakan í síðustu ljósmyndakeppni með miklum ágætum og þó nokkur áhugi reyndist vera fyrir því að endurtaka leikinn. Samkeppnina að þessu sinni nefnum við VETUR KONUNG og mun hún snúast um fallegustu eða mest hrífandi vetrarmyndina. Myndin þarf að sýna íslenskan vetur á þann hátt að hún heilli dómnefndina upp úr skónum. Skilafrestur ljósmynda er 31. mars 2014.

06. febrúar 2014

Laus orlofshús í Vaðnesi og Munaðarnesi um helgina

Munaðarnes 2013 164 SFR á og leigir fjölda orlofshúsa sem standa félagsmönnum boða allt árið um kring. Það getur verið notalegt að fara í bústað þó engin sé sólin. Að kúra inni í húsi með góða bók eða fá sér göngu úti í náttúrunni og skella sér svo í pottinn á eftir góðri máltíð. Það hlýtur að teljast til lífsgæða. Um helgina eru enn nokkur hús laus í Vaðnesi og Munaðarnesi. Bókanir fara fram á orlofsvefnum.

03. febrúar 2014

TÖKUM ÞÁTT - STOFNUN ÁRSINS 2014

Í febrúar verður send út okkar árlega könnun Stofnun ársins til félagsmanna SFR. Í könnuninni verður spurt um starfsánægju, starfsanda, líðan fólks á vinnustað og launakjör. Félagsmenn allir eru hvattir til að svara könnuninni, enda er það staðreynd að því fleiri sem svara því betri og áreiðanlegri verða upplýsingarnar. Niðurstöður könnunarinnar veita okkur hagnýtar upplýsingar sem nýtast starfsmönnum til að meta eigin vinnustað í samanburði við aðrar stofnanir og fyrirtæki.