Fréttir og greinar

02. júní 2017

Nýr samningur við Isavia

Í gærkvöld var skrifað undir samning SFR og Isavia. Eins og fram hefur komið var fyrri samningur felldur þann 25. apríl síðastliðinn og deilunni vísað til ríkissáttasemjara 12. maí. Á öðrum fundi samninganefndnanna​ með ríkissáttasemjara í gær náðist óvænt samkomulag sem skrifað var undir. Samningurinn felur í sér meiri hækkun og segist Árni Stefán Jónsson formaður SFR vongóður um að hann verði samþykktur. Nýr kjarasamningur verður kynntur á fundum með félagsmönnum fljótlega eftir helgi, þar verður hægt að kjósa um samninginn en kosning verður einnig rafæn.

31. maí 2017

Ójafnræði í dagvistunarúrræðum

Mikill munur er á þeim dagvistunarúrræðum sem foreldrar njóta milli sveitarfélaga og ekki ríkir jafnræði í þjónustu við börn að loknu fæðingarorlofi. Könnun BSRB sýnir að börn á Íslandi eru að jafnaði um 20 mánaða gömul þegar þau komast inn á leikskóla en samanlagt fæðingarorlof beggja foreldra er níu mánuðir. Nefnd BSRB um fjölskylduvænna samfélag aflaði upplýsinga um stöðu dagvistunarmála að loknu fæðingarorlofi hjá sveitarfélögunum í landinu og hefur nú gefið út skýrslu með helstu niðurstöðum. Markmiðið var að varpa ljósi á hvaða stuðning hið opinbera veitir, enda ítrekað verið bent á þau vandamál sem leiða af því bili sem er á milli fæðingarorlofs foreldra og þess aldurs þegar börnum er tryggt leikskólapláss.

30. maí 2017

Hvítasunnuhelgin í orlofshúsi

Orlofshús SFR eru alla jafnan leigð út í vikuleigu yfir sumarið nema þau hús sem sérstaklega eru merkt sem dagleiguhús. Nú hefur hins vegar verið opnað fyrir helgarleigu á þeim húsum sem laus eru um næstu helgi Hvítasunnuhelgina og hvetjum við áhugasama félagsmenn að kíkja inn á orlofsvef félagsins í gegnum Mínar síður.

24. maí 2017

Hótelmiðar til sölu frá 1. júní

Hótelmiðar fyrir Fosshótel, Edduhótel og Hótel Keili koma til sölu á orlofsvef SFR 1. júní næstkomandi. Miðana má finna á orlofsvefnum undir liðnum Gjafabréf. Það er mikilvægt að hafa í huga að nauðsynlegt er að bóka hótelgistingu hjá viðkomandi hóteli ÁÐUR en miðarnir eru keyptir en taka jafnframt fram að gistingin verði greidd með hótelmiðum. Athugið að Fosshótel Dalvík hefur verið selt og er því ekki lengur partur af Fosshótel keðjunni.

23. maí 2017

Stofnanasamningar SFR - spurt og svarað

Undanfarna mánuði hefur verið unnið að endurskoðun stofnanasamninga sem gerðir eru á grundvelli kjarasamnings SFR og ríkisins. Stór hluti þeirrar vinnu er að varpa starfsmönnum stofnana í nýja launatöflu, byggða á álagsþrepum í stað aldursþrepa, sem tekur gildi 1. júní 2017. Við vörpunina er tryggt að enginn fái minna en sem nemur 4,5% hækkun en búast má við að flestir hækki á bilinu 4,5-7% þar sem ríkið lagði til sérstakan pott til að auðvelda þetta umfangsmikla verkefni. SFR leggur upp með að vörpunin sé gerð með gegnsæju kerfi svo dregið verði úr einstaklingsbundnum ákvörðunum. SFR vekur athygli á því að við vörpunina breytist númerið á launaflokknum og ekki er hægt að lesa beint á milli eldri töflunnar og þeirrar nýju.

23. maí 2017

Vorfundur trúnaðarmannaráðs

Nú stendur yfir síðasti fundur trúnaðarmanna fyrir sumarfrí. Á fundinum flutti Kári Ingólfsson erindi um raforku á Íslandi, Björn Traustason kynnti leigufélagið Bjarg sem er í eigu BSRB og ASÍ og Árni Stefán Jónsson formaður SFR fjallaði um stöðu kjaramála og ganginn í stofnanasamningsgerðinni.

22. maí 2017

Hótelmiðar koma í sölu 1. júní

Nú styttist í að félagsmenn geti keypt hótelmiða en þeir koma á orlofsvefinn 1. júní nk. Sérstök athygli er vakin á því að Fosshótel Dalvík hefur verið selt og er því ekki lengur partur af Fosshótel keðjunni. Hótelið heitir núna Hótel Dalvík. Einnig minnum við á að best er að bóka hótelherbergið fyrst og kaupa síðan hótelmiða.

22. maí 2017

Breyting á lyklaafhendingu vegna húsa á Akureyri

​Frá og með 1. júní nk. verður lyklaafhending vegna húsa á Akureyri til kl. 22:00 á kvöldin alla virka daga en til kl. 20:00 um helgar.

15. maí 2017

Orlofshús - bókanir 16. maí kl. 12:00

Opnað verður fyrir bókanir á þeim orlofshúsum sem ekki var úthlutað, þriðjudaginn 16. maí kl. 12:00.

12. maí 2017

SFR vísar kjaradeilu við Isavia til sáttasemjara.

Samninganefndir SFR stéttarfélags og Isavia hittust á samningafundi í dag, en eins og kunnugt er þá felldu félagsmenn SFR hjá Isavia nýgerðan kjarasamning. Á samningafundinum sem hófst kl. 13 var farið yfir þá stöðu sem uppi er og hugmyndir lagðar fram að lausn deilunnar.