Fréttir og greinar

08. apríl 2013

Dagleiguhús - opnað fyrir bókanir 15. apríl kl. 9

Opnað verður fyrir bókanir í dagleiguhús í sumar 15. apríl kl. 9, en ekki 8. apríl eins og auglýst var í orlofsblaði. Um er að ræða íbúðirnar í Reykjavík og á Akureyri, Stykkishólmi og Vestmannaeyjum, ásamt orlofshúsi í Vaðnesi og á Eiðum. Dagleiguhús er hægt að leigja með stuttum fyrirvara. Þar gildir reglan fyrstur kemur fyrstur fær. Hægt er að leigja húsin frá einum degi upp í viku.

05. apríl 2013

Trúnaðarmál - SFR trúir á þig !

Bréf sem félagsmenn SFR hafa fengið inn um bréfalúguna undanfarna daga hefur sannarlega vakið athygli. Í bréfinu eru félagsmenn hvattir til að bjóða sig fram til trúnaðarmannastarfa fyrir félagið og hafa margir hringt til skrifstofu félagsins til að fá nánari upplýsingar.

04. apríl 2013

Málefni kvennahópa Landspítala þokast í rétta átt

Málefni kvennahópa innan SFR hjá Landspítala munu rædd á morgun á samstarfnefndarfundi SFR og Landspítala, auk þess sem fulltrúar BSRB munu hitta bæði velferðar- og fjármálaráðherra og ræða m.a. málefna spítalans.

02. apríl 2013

Frestur til að sækja um sumarhús rennur út á miðnætti

Munaðarnes e. breyt 06.07 (7) Fresturinn til að sækja um sumarúthlutun á orlofshúsum SFR rennur út á miðnætti í dag, 2. apríl. Sótt er um rafrænt gegnum orlofsvefinn.

26. mars 2013

Aðalfundur LSFR 2013

Aðalfundur Lífeyrisdeildar SFR sem haldinn var 21. mars sl. mótmælir harðlega hækkunum á lyfjum sem eiga að koma til framkvæmda 4. maí næstkomandi, en þar inni eru hækkanir á lífsnauðsynlegum, lyfjum eins og sykursýkislyfjum, flogalyfjum, hjartalyfjum og fleiri sem Sjúkratryggingar hafa greitt að fullu til þessa. Þessar hækkanir bitna mest á öldruðum og öryrkjum.

21. mars 2013

Happdrætti - Þú ferð í „pottinn“ ef þú svarar könnuninni!

SFR hvetur alla félagsmenn til að taka þátt í könnuninni Stofnun ársins en við höfum verið stolt af góðri þátttöku undanfarin ár sem skapað hefur grunn að áreiðanlegum niðurstöðum. Þeir sem svara könnuninni verða sjálfkrafa með í happdrætti þar sem 6 vinningar eru í boði, tvö gjafabréf hjá Icelandair að andvirði 60 þúsund krónur, tveir aðgöngumiðar að Iceland Airwaves hátíðinni 2013 og 2x helgardvöl í orlofshúsi SFR að eigin vali utan úthlutunartíma. Með þátttöku í „Stofnun ársins“ leggur þú þitt af mörkum í baráttunni fyrir betra starfsumhverfi.

21. mars 2013

Félagar funda á vesturlandi

Fulltrúar SFR funduðu með félagsmönnum á Akranes og Borgarnesi. Rætt var um kjaramál og undirbúning fyrir kjarasamningsviðræður. Félagsmönnum lá margt á hjarta og voru umræðurnar sérlega góðar.

19. mars 2013

BSRB gagnrýnt á aðalfundi SFR

Aðalfundur SFR gagnrýndi vinnubrögð innan BSRB og í ályktun frá fundinum er kallað á meiri ábyrgðartilfinningu þeirra sem sitja í stjórn BSRB. Þá er meðal annars bent á að jafnt atkvæðavægi félaganna í stjórn bandalagsins sé óréttlátt, enda séu félögin mjög misstór. Auk þess er seinagangur í vinnubrögðum við breytingar á félagsgjaldi félaganna til bandalagsins gagnrýndur.

19. mars 2013

Skuldbindingar ríkissjóðs við lífeyrissjóð opinberra starfsmanna

Ríkissjóður hefur enn ekki hafið niðurgreiðslu á skuldbindingum sínum við lífeyrissjóð opinberra starfsmanna þrátt fyrir ítrekaðar kröfur SFR þar um. Aðalfundur SFR sem haldinn var í síðustu viku ítrekar kröfur félagsins og krefst þess að ríkissjóður hefji nú þegar að greiða inn á skuldbindingar sínar við lífeyrissjóð opinberra starfsmanna. Þá er þess krafist að heildarendurskoðun á lífeyriskerfi landsmanna lýkur er nauðsynlegt að fyrir liggi hvernig hið opinbera hyggst standa við skuldbindingar sínar gagnvart opinberum starfsmönnum.

19. mars 2013

Jafnréttismál á aðalfundi

Á aðalfundi SFR í síðustu viku var ályktað um jafnréttismál, en félagið hefur verið í fararbroddi að benda á kynbundinn launamun meðal opinberra starfsmanna. Í ályktuninni krefst SFR þess að stjórnvöld, verkalýðshreyfingin og atvinnurekendur taki höndum saman um leiðréttingu kynbundins launamunar.