Fréttir og greinar

01. júlí 2013

Blað stéttarfélaganna í prentun

Blað stéttarfélaganna mun berast félagsmönnum síðar í vikunni en það er nú í prentun. Blaðið er fjölbreytt að venju. Þar má m.a. finna ítarlega umfjöllun um niðurstöður könnunarinnar um Stofnun ársins. Þá er farið í heimsókn á nokkra vinnustaði sem stóðu sig vel í könnuninni og reynt að grennslast fyrir um leyndarmálið á bak við árangurinn. Þá ritar Ásgeir Jónsson grein um efnahagshorfurnar og lesendur fá uppskrift af hamborgara úr íslensku hamborgarabókinni svo sitthvað sé nefnt.

01. júlí 2013

Lausar íbúðir í Reykjavík

útimyndir Grandavegi 003 [1600x1200] Orlofshús félagsins og íbúðir hafa verið mjög vel nýtt það sem af er sumri. Nánast er fullbókað í öll hús langt fram í ágúst. En vert er þó að vekja athygli á því að enn eru einhverjar vikur og dagar lausir í íbúðunum í Reykjavík í júlí og ágúst. Sjá nánar á orlofsvefnum.

28. júní 2013

Opnað fyrir sumarhús til október

Mánudaginn 1. júlí kl. níu verður opnað fyrir bókanir í október í orofshús félagsins innanlands og hús erlendis út nóvembermánuð þ.e. til 29. nóv.

27. júní 2013

Könnun á vegum SFR

Nú stendur yfir könnun á vegum SFR þar sem m.a. er spurt um þjónustu félagsins, samstarf við önnur félög og útgáfumál. Um þúsund félagsmenn eru í úrtakinu, en það er Capacent sem vinnur könnunina. Því mega einhverjir félagsmenn búast við því að fá tölvupóst eða símtal frá fulltrúum Capacent, og SFR hvetur þá sem það gera til að taka þeim vel.

24. júní 2013

Jónsmessuferð LSFR um Hvalfjörð og Borgarfjörð

Jónsmessuferð Lífeyrisdeildar SFR var að þessu sinni um Hvalfjörð og Borgarfjörð. Það var 125 manna hópur sem hélt af stað frá Grettisgötu kl. 8 þann 20. júní sl. Stoppað var hjá Hallgrímskirkja við Saurbæ í Hvalfirðinum, söfn skoðuð í Borgarnesi, kíkt á Deildartunguhver, stoppað í Reykholti og Hraunfossar-Barnafossar skoðaðir, stoppað í Húsafelli, þaðan keyrt um Kalmanstungu/Fljótstungu og Geitafjársetrið á Háafelli heimsótt. Endað var með kvöldverði í Munaðarnesi. Haldið var heim á leið í glaðasólskini og kom hópurinn til Reykjavíkur um kl. 21:30.

21. júní 2013

Ályktun frá ráðstefnu aðildarfélaga NSO

Í byrjun sumars eða dagana 3. og 4. júní héldu aðildarfélög NSO - samtaka ríkisstarfsmanna á Norðurlöndunum (Nordiska Statstjänstemanna Organisationens) sína árlegu ráðstefnu. Hún var að þessu sinni í Tromsö og sóttu fulltrúar frá SFR ráðstefnuna heim. Þar var m.a. rætt um stöðu opinbers atvinnumarkaðar á norðurlöndunum og samþykkt ályktun þar sem NSO hvetur norrænar ríkisstjórnir til þess að stuðla að trausti á opinbera geirann og vinna í samvinnu við stéttarfélögin að sterkari og betra vinnuumhverfi.

20. júní 2013

Ísland til eftirbreytni

Á vef Virk starfsendurhæfingar má lesa að á yfirstandandi þingi Alþjóðavinnumálastofnunarinnar (ILO) var framkvæmd Íslands á alþjóðasamþykkt um starfsendurhæfingu og atvinnumál fatlaðra valin til umfjöllunar sem dæmi um framkvæmd samþykktar sem gæti orðið öðrum ríkjum til eftirbreytni á yfirstandandi þingi Alþjóðavinnumálastofnunarinnar (ILO).

18. júní 2013

Forystufræðsla BSRB og ASÍ

Skráning er hafin á fjölda haustnámskeiða þar sem áhersla er lögð á undirbúning kjarasamninga og betri þjónustu. Það eru heildarsamtök stéttarfélaga á vinnumarkaði, ASÍ og BSRB, sem hafa tekið höndum saman um sameiginlega fræðslu fyrir starfsfólk sitt og stjórnir með það fyrir augum að mæta breyttum tímum, nýjum áherslum og viðameiri verkefnum.

13. júní 2013

Hótelmiðar á Fosshótel og Edduhótel

edda-laugar-saelingsd-husogumhverfi-big(1) Hægt er að kaupa hótelmiða hér á orlofsvefnum undir liðnum „ávísanir“. Hver félagsmaður getur keypt mest 7 miða. Miðarnir eru til sölu frá byrjun júní fram í ágúst. Eftir 7. ágúst er ekki tryggt að hótelmiðar verði í boði hjá SFR. Félagsmenn bóka sjálfir í síma viðkomandi hótels. Félagsmenn eru hvattir til að panta gistingu með góðum fyrirvara.