Fréttir og greinar

15. maí 2020

Nýr vinnuréttarvefur BSRB

BSRB hefur opnað glæsilegan vinnuréttarvef. Vinnuréttarvefur BSRB hefur að geyma upplýsingar um réttindi og skyldur starfsmanna á opinbera og almenna vinnumarkaðnum auk ýmissa annarra upplýsinga sem varða vinnumarkaðinn. Með nýjum vinnuréttarvef verður almennum félagsmönnum gert auðveldara fyrir að átta sig á eigin réttindum. Þá mun hann einnig nýtast starfsmönnum aðildarfélaga bandalagsins vel sem uppflettirit um réttindi þeirra félagsmanna.

15. maí 2020

Er Háskólagátt eitthvað fyrir þig?

Háskólinn á Bifröst býður upp á nám í Háskólagátt. Námið á að koma til móts við þá sem hafa ekki náð að fóta sig í hefðbundu námsumhverfi framhaldsskólanna, hafa ekki lokið stúdentsprófi en vilja undirbúa sig fyrir háskólanám eða styrkja stöðu sína á vinnumarkaði.

14. maí 2020

Kjarasamningur við Fríhöfnina

Rétt í þessu undirrituðu Sameyki og Fríhöfnin kjarasamning. Samningurinn verður kynntur og borinn undir atkvæði á næstu dögum.

13. maí 2020

Samningur Félagsbústaða samþykktur

Kjarasamningur Sameykis og Félagsbústaða var samþykktur með öllum greiddum atkvæðum í atkvæðagreiðslu sem lauk nú í dag. Yfir 84% tóku þátt í atkvæðagreiðslunni. 100% sögðu já en enginn sagði nei.

12. maí 2020

Verið velkomin!

Ákveðið hefur verið að opna húsið okkar við Grettisgötu 89 fyrir almennri umferð frá og með þriðjudaginn 12. maí. Að undanförnu hafa aðstæður í samfélaginu breyst hratt og reglur verið rýmkaðar. Fyrir vikið teljum við tímabært að opna að nýju en húsið hefur verið lokað frá því 16. mars. Við bjóðum því félagsfólk okkar velkomið í húsið en minnum á skynsamlega fjarlægð milli manna. Salirnir í húsinu verða þó áfram lokaðir til útleigu fyrir 3ja aðila.

11. maí 2020

Kynning í dag á kjarasamningi við Félagsbústaði

Nýr kjarasamningur Sameykis við Félagsbústaði var undirritaður 7. maí síðastliðinn. Kynningarfundur um samninginn verður haldinn í dag kl. 11.

08. maí 2020

BSRB fordæmir misnotkun á úrræðum stjórnvalda

BSRB fordæmir harðlega misnotkun fyrirtækja sem ekki þurfa á aðstoð að halda á úrræðum stjórnvalda vegna COVID-19 heimsfaraldursins. Í ályktun sem stjórn bandalagsins sendi frá sér í morgun er kallað eftir endurgreiðslu frá stöndugum fyrirtækjum sem nýtt hafa úrræðin.

07. maí 2020

Vandi með símkerfi - afsakið

Við höfum verið í smá tæknivanda með símkerfið okkar síðustu daga. Við erum að vinna í þessu og bendum fólki á að við svörum sameyki@sameyki.is fljótt og vel.

05. maí 2020

Samningur við Skálatún samþykktur

Kjarasamningur Sameykis og Skálatúns sem undirritaður var 29. apríl síðast liðinn hefur verið samþykktur. Kosningaþátttaka var tæp 40% og rúm 85% sögðu já við nýjum samningi.

01. maí 2020

Teiknimyndasamkeppni

Sameyki efnir til teiknimyndasamkeppni fyrir krakka á öllum aldri í tilefni af 1. maí undir yfirskriftinni Framtíðarvinnumarkaðurinn. Samkeppnin mun þó standa í allt sumar. Hægt er að senda inn myndir á sameyki@sameyki.is til 31. ágúst 2020 og merkja Framtíðarvinnumarkaðurinn. Það má alveg sendi inn fleiri en eina mynd!