Fréttir og greinar

06. mars 2020

Orlofsblaðið í pósti

Orlofsblaði Sameykis er komið í póst til félagsmanna. Í blaðinu eru kynntir allir þeir orlofskostir sem standa félagsmönnum til boða og leiðbeiningar fyrir þá sem vilja bóka eða sækja um sumarúthlutun. Frestur til að sækja um orlofshús í sumar innanlands er til og með 26. mars. Við vonum að sem flestir félagsmenn geti fundið sér eitthvað spennandi í blaðinu. Í því er einnig blásið til ljósmyndaleiks með veglegum verðlaunum.

05. mars 2020

Sameyki undirritar samning við Strætó

Samninganefndir Sameykis og Strætó bs. undirrituðu kjarasamning um klukkan fjögur í dag. Fyrirhugað hafði verið að ráðastí atkvæðagreiðslu um verkfall hjá starfsmönnum Strætó fyrir lok vikunnar sem nú verður ekki af. Nýundirritaður kjarasamningur verður þess í stað borinn bundir atkvæði starfsmanna Strætó fljótlega.

05. mars 2020

Samkomulag um styttingu vinnuviku vaktavinnufólks í höfn

Samkomulag náðist í gærkvöldi í kjarasamningsviðræðum BSRB við viðsemjendur um útfærslu á styttingu vinnuvikunnar í vaktavinnu. Þetta er stór áfangi í átt að því að ljúka gerð kjarasamnings, en áður hafði samkomulag náðst um styttingu vinnuvikunnar í dagvinnu.

05. mars 2020

Opnað fyrir umsóknir um undanþágur

Undanþágunefndir gagnvart ríkinu, Reykjavíkurborg og Sambandi íslenskra sveitarfélaga hafa nú opnað fyrir umsóknir um undanþágur. Boðuð verkföll munu hefjast mánudaginn 9. mars næstkomandi, náist samningar ekki fyrir þann tíma.

05. mars 2020

Hvaða æsingur er þetta?

Árni Stefán setti niður nokkur orð í Fréttablaðið um hver staðan í kjarasamningsviðræðunum er í raun og veru.

Hvers vegna opinberir starfsmenn hafa fengið nóg og boða til verkfalls 9. mars
Kjarasamningar við meginþorra opinberra starfsmanna hafa nú verið lausir í rúma 11 mánuði. Allan þann tíma hafa viðræður á milli viðsemjenda verið í gangi þó hægt hafi gengið. Hlé var tekið um hásumarið og samið um innágreiðslu, enda trú okkar að fljótlega yrði gengið frá samningum. Það varð ekki raunin. Viðsemjendur snéru aftur að samningaborðinu tómir á svip með nákvæmlega sömu rulluna og í byrjun.

04. mars 2020

Ríkið neitar að greiða samkvæmt lífskjarasamninginum

Í gær var fundað fram á kvöld með ríkinu til þess að reyna að ná samkomulagi í yfirstandandi kjaraviðræðum og hefur annar fundur verið boðaður í dag. Búast má við því að reynt verði til hins ítrasta til að ná samningum áður en verkfall skellur á næstkomandi mánudag og eigum við von á fundum fram á kvöld næstu daga og um helgina. Fundur með Reykjavíkurborg er á morgun og hefur einnig verið fundað stíft þar á bæ.

03. mars 2020

Störf undanþágunefnda í undirbúningi

Undirbúningur vegna yfirvofandi verkfalls er í fullum gangi samhliða kjarasamningsviðræðum. Eitt af því sem þarf að huga að eru undanþágunefndir.

02. mars 2020

Skattframtal 2019 - frádráttur á móti styrkjum frá Sameyki

Opnað hefur verið fyrir skil á skattframtali og því minnum við félagsmenn sem fengu styrk á árinu 2019 að huga að því hvort heimilt sé að færa kostnað til frádráttar.

​

27. febrúar 2020

Kær samstarfsmaður fallinn frá

Okkar kæri vinur og samstarfsmaður Halldór Snorri Gunnarsson lést í síðustu viku eftir erfið veikindi. Útför hans fer fram frá Kópavogskirkju næstkomandi föstudag 28.febrúar kl. 11.00. Vegna jarðarfararinnar verður skrifstofa Sameykis lokuð milli kl. 10 og 14:00 þann dag.

26. febrúar 2020

Fyrsti samningurinn í höfn

Þau gleðilegu tíðindi bárust í dag að búið væri að skrifa undir kjarasamning við Faxaflóahafnir. Sameyki á þar rúmlega tuttugu félagsmenn og var samningurinn samþykktur með yfir 80% atkvæða. Fulltrúar í samninganefnd eru afar ánægðir með samninginn, enda má í honum finna flest þau atriði sem félagið hefur verið að berjast fyrir. Þar er hvergi að finna tvöfalda eða lækkaða yfirvinnuprósentu eins og verið er að bera á borð annars staðar, allir starfsmenn fá 30 daga orlof með möguleika á lengingu, vinnuvikan styttist og allir starfsmenn fá 90 þúsund kr. launahækkun á samningstímabilinu.