Fréttir og greinar

31. janúar 2019

Vefsíða Sameykis

Við höfum sett í loftið vefsíðu undir léninu www.sameyki.is. Síðan sjálf er enn í vinnslu en þetta er gert fyrir þá sem vilja finna Sameyki á vefnum. Í gegnum þessa vefsíðu er hægt að velja tengla inn á gömlu síður félaganna og finna ög félagsins. Lénin www.sfr.is og www.strv.is verða að sjálfsögðu enn vel virkandi og spræk alveg þar til við búin að færa allt efni á milli og útbúa nýja síðu fyrir Sameyki.

30. janúar 2019

Viðræðuáætlun við Reykjavíkurborg undirrituð

Formaður og varaformaður Sameykis stéttarfélags í almannaþjónustu skrifuðu undir viðræðuáætlun við Reykjavíkurborg í morgun. Um er að ræða fyrstu formlegu undirritunina í nafni Sameykis en búist er við því að viðræðurnar hefjist fljótlega. Búið er að boða til fyrsta fundar samninganefnda en Garðar Hilmarsson varaformaður Sameykis verður formaður samninganefndar Sameykis í samningum við Reykjavíkurborg.

29. janúar 2019

Með lögum skal félag byggja

Ný lög Sameykis stéttarfélags voru samþykkt síðast liðinn laugardag. Lögin má finna hér að neðan og hvetjum við félagsmenn okkar til þess að kynna sér þau. Helst er að nefna að trúnaðarmannaráð og fulltrúaráð félaganna eins og við þekktum þau taka breytingum á þann veg að trúnaðarmenn á vinnustöðum sem nú gæti orðið allt að 350-400 talsins mynda trúnaðarmannaráð. Það mun funda að lágmarki tvisvar á ári samkvæmt lögunum. Fulltrúaráð er hins vegar skipað stjórn félagsins, formönnum sjóða og 90 fulltrúum sem kosnir eru af trúnaðarmannaráði. Í lögunum eru sérstök ákvæði þar sem þess er gætt að fulltrúarnir komi frá ákveðnum landshlutum og þeir séu einnig fulltrúar þeirra sem heyra undir alla kjarasamninga félagsins. Núverandi trúnaðarmannaráð SFR og fulltrúaráð St.Rv. skal hins vegar starfa áfram þar til kosning um nýja trúnaðarmenn fer fram í maí 2019 og næstkomandi haust verður síðan kosning í fulltrúaráð Sameykis.

28. janúar 2019

Sameyki - næstu skref og merking nafnsins

Að loknum aðalfundi og tilkomu sameinaðs félags er margvísleg undirbúningsvinna nú komin á fullt á skrifstofunni. Að ýmsu er að huga og margt sem þarf að gera. Vinna við undirbúning að nýrri heimasíðu er til dæmis hafin, skoðun sameiginlegs orlofskerfis og svo þarf Sameyki að eiga sitt sérstaka merki, ekki satt? Starfsmenn notuðu daginn vel og æfðu sig meðal annars í að svara í símann! Við munum passa upp á að kynna allar breytingar um leið og þeir þær verða að veruleika, stundum jafnvel fyrr. En þetta mun allt taka tíma og þangað til biðjum við ykkur um að sýna örlitla þolinmæði og skilning þar sem flækjustig verkefnanna er með mesta móti þessa fyrstu daga. Við viljum hins vegar óska félagsmönnum öllum innilega til hamingju með sameiginlega félagið okkar.

26. janúar 2019

Sameyki stéttarfélag í almannaþjónustu verður til

Á aðalfundum Starfsmannafélags Reykjavíkurborgar (St.Rv.) og SFR stéttarfélags í almannaþjónustu sem nú lauk fyrir stundu voru ný lög og heiti sameinaðs félags samþykkt. Félagið heitir Sameyki stéttarfélag í almannaþjónustu og er félagssvæði þess allt landið. Ákvörðum um sameiningu félaganna lá fyrir að lokinni allsherjaratkvæðagreiðslu í byrjun nóvember síðastliðinn en þar samþykkti meirihluti félagsmanna í báðum félögum að félögin skyldu sameinast í eitt félag.

22. janúar 2019

Gott að vita - skráning hefst 29.janúar

SFR og St.Rv. bjóða að venju upp á fjölbreytt námskeið undir hatti Gott að vita og hefst skráning á námskeiðin þriðjudaginn 29. janúar næstkomandi kl. 17:00.

18. janúar 2019

Eingreiðsla 1. febrúar

Samkvæmt núgildandi kjarasamningi eiga eftirfarandi eingreiðslur að skila sér í launaumslag félagsmanna 1. febrúar næstkomandi.

15. janúar 2019

Rafræn skjöl - kvittanir

Frá og með deginum í dag (15. janúar) verða allar kvittanir fyrir greiddum styrkjum, launaseðlar fyrir sjúkradapeningum og fæðingarstyrkjum sendir í heimabanka félagsmanna undir rafræn skjöl.

11. janúar 2019

Drög að nýjum lögum rýnd

Laganefnd félaganna hefur að undanförnu unnið að því að setja saman ný lög sameinaðs félags, Áhugasömum trúnaðarmönnum og fulltrúum félaganna var boðið að taka þátt í sérstökum rýnihópi og í gær settist því tæplega 40 manna og kvenna hópur yfir drögin frá laganefndinni. Margar góðar ábendingar og athugasemdir komu fram í þeirri vinnu og mun laganefndin vinna þær áfram. Þá hafa stjórnir félaganna einnig fengið kynniningu á drögunum en ný lög munu liggja frammi á skrifstofu félaganna frá og með 16. janúar eða 10 dögum fyrir aðalfund eins og lög gera ráð fyrir.

08. janúar 2019

Ný íbúð á Spáni - sumar, vetur, vor og haust

Opnað hefur verið fyrir bókanir í nýja íbúð félagsins á Spáni. Íbúðin er í fjölbýlishúsi við strandgötuna í Arenals del Sol, eða í um það bil 10 km fjarlægð við flugvöllinn í Alicante. Íbúðin 100 fm og á efstu hæð hússins, svokölluð penthouse íbúð.