Fréttir og greinar

27. janúar 2015

Félagsráð fundar

Nú stendur yfir fundur Félagsráðs SFR. Félagsráð mynda stjórn félagsins, formenn fagfélaga og lífeyrisdeildar auk 15 fulltrúa sem kosnir eru af trúnaðarmannaráði. Ráðið fundar tvisvar sinnum á ári og er hlutverk þess meðal annars að vinna að stefnumótun fyrir félagið í samráði við stjórn og annast undirbúning fyrir aðalfund félagsins. Sú er einmitt dagskrá fundarins í dag og hafa fulltrúar þess setið við síðan í morgun. Það var Haraldur Hjaltason ráðgjafi sem stýrði vinnunni en stemmningin er sem fyrr afar góð og umræðurnar gagnlegar.

26. janúar 2015

Blað stéttarfélaganna í prentun

Blað stéttarfélaganna er nú farið í prentun og mun berast félagsmönnum von bráðar. Í blaðinu má m.a. finna allt um Gott að vita námskeiðin nú á vorönninni en skráning á námskeiðin hefst 5. febrúar kl 10.

Þá eru í blaðinu upplýsingar um páskaúthlutun orlofshúsa (umsóknarfrestur til 17. feb.), kjarasamningana framundan, grein um karla og femímisma, auk viðtals við Dag B. Eggertsson borgarstjóra.

21. janúar 2015

Vetrarhelgi í orlofshúsi

Aðgengi [1600x1200] Það getur verið notalegt svona yfir háveturinn að hverfa frá ys og þys hversdagslífsins og dvelja helgi í orlofshúsi, enda eru húsin okkar afar vel búin í fallegu umhverfi. Næstu helgi eru laus orlofshús á eftirfarandi stöðum; Vaðnesi, Öndverðarnesi, Skorradal, Húsafelli, Arnarstapa og Hólmavík. Bókanir og nánari upplýsingar eru á orlofsvefnum.

12. janúar 2015

Trúnaðarmannanámskeið

Trúnaðarmannanámskeið BSRB og Félagsmálaskóla alþýðu heldur áfram í upphafi næsta mánaðar. Byrjað verður að kenna fyrsta námskeið á 1. þrepi Trúnaðarmannanámsins þann 2. febrúar nk. Kennt verður í þrjá daga frá 2. til 4. febrúar á milli kl. 9-15:45.

09. janúar 2015

Úthlutunarreglur styrktar og sjúkrasjóðs endurskoðaðar

Úthlutunarreglur Styrktar og sjúkrasjóðs SFR voru endurskoðaðar núna um áramótin. Helstu breytingarnar eru þær að sjúkraþjálfun og nudd hækkar upp í 2.000 kr. skiptið í stað 1.500 kr. og núna er hægt að sækja um styrk vegna linsukaupa. Þá var fjöldi daga sem styrktur er á Heilsustofnun NFLÍ fjölgað upp í 28, var áður 20...

07. janúar 2015

Námskeið í stjórnsýslurétti fyrir starfsmenn ríkisstofnana

Sex vikna námskeið í stjórnsýslurétti verður haldið 26. janúar til 4. mars. Í ellefta skiptið bjóða forsætisráðuneytið og Reykjavíkurborg í samvinnu við Stofnun stjórnsýslufræða og stjórnmála upp á sex vikna námskeið um stjórnsýslulögin og stjórnsýslurétt fyrir þá starfsmenn ríkisins og starfsmenn sveitarfélaga, sem koma að meðferð mála og undirbúningi ákvarðana í stjórnsýslunni.

30. desember 2014

Breytingar á úthlutunarreglum starfsmenntunarsjóðs

Stjórn Starfsmenntunarsjóðs SFR hefur gert breytingar á úthlutunarreglum sjóðsins og taka þær gildi 1. janúar 2015. Meginbreytingarnar eru að núna þarf 5 ára félagsaðild í stað 8 ára aðildar til að eiga rétt á kr. 140.000 á tveggja ára tímabili. Einnig er núna hægt að fá 100% kostnaðar greitt í stað 80%, nema þegar um er að ræða lífsleikninámskeið, þá gildir áfram 50% reglan. Námskeið til starfsréttinda án beinnar tengingar við starf hækkar í kr. 100.000 úr kr. 60.000. Þá bætist við heimild til að sækja um ferðastyrk að hámarki kr. 30.000 vegna náms sem ekki er hægt að sækja í heimabyggð.

23. desember 2014

Opnunartími skrifstofunnar yfir jól og áramót

Stjórn og starfsfólk SFR óskar félagsmönnum og öllum landsmönnum gleðilegra jóla. Skrifstofa SFR verður opin á venjulegum tíma kl 9:00-16:00 á milli jóla og nýárs, en lokað verður að morgni aðfangadags og gamlársdags.

22. desember 2014

Heildarkerfi starfsendurhæfingar í hættu

Í frétt á vef VIRK er sagt frá því að stjórn VIRK - Starfsendurhæfingarsjóðs hafi sent Eygló Harðardóttur, félags- og húsnæðismálaráðherra, bréf þar sem kemur fram að afgreiðsla fjárlaga 2015 hafi staðfest ásetning ríkisstjórnarinnar að standa ekki við lög og samninga við aðila vinnumarkaðarins um uppbyggingu starfsendurhæfingar og fjármögnun á VIRK og verði til þess að eitt heildarkefi atvinnutengdrar starfsendurhæfingar verði ekki lengur fyrir hendi.

15. desember 2014

Vel heppnað jólaball SFR og St.Rv.

IMG_8610 (Copy) Á laugardag var haldið afar fjölmennt og vel heppnað jólaball SFR og St.Rv. í Gullhömrum. Jólaballið sóttu rúmlega 400 manns, börn og fullorðinir. Þangað komu þrír jólasveinar og dönsuðu kringum jólatréð við mikla hrifningu barnanna.