Fréttir og greinar

28. nóvember 2016

Vel heppnað aðventukvöld

SFR og St.Rv. héldu sameiginlegt aðventukvöld fyrir félagsmenn sína þann 24. nóvember síðastliðinn. Kvöldið var afar vel heppnað en yfir 80 manns komu til þess að hlýða á upplestur og tónlist. Rithöfundarnir Guðrún Eva Mínervudóttir og Davíð Logi Sigurðsson lásu upp úr nýjum verkum, Jólatríólurnar sungu jólalög, Þórarinn Eyfjörð las ljóð og síðastur á svið var Bjartmar Guðlaugsson sem bæði las og söng fyrir gesti. við mikinn fögnuð viðstaddra.

23. nóvember 2016

Vinnustofur vegna stofnanasamninga

Í vikunni fóru af stað fyrstu vinnustofur vegna stofnanasamninga. Þar koma saman trúnaðarmenn og fulltrúar SFR á vinnustöðum ásamt stjórnendum sem saman mynda samstarfsnefndir stofnana.

22. nóvember 2016

Jólaball SFR og St.Rv.

Hið árlega jólaball SFR og St.Rv. verður haldið laugardaginn 10. des. í Gullhömrum. Allir félagsmenn eru velkomnir með fjölskyldur sínar. Miða þarf að kaupa á skrifstofum félaganna og ksotar hver miði 700 kr. Innifaldar eru veitingar, kaffi og kökuhlaðborð bæði fyrir börn og fullorðna og auðvitað nammi fyrir börnin frá jólasveinunum.

21. nóvember 2016

Aðventukvöld SFR og St.Rv.

Við ætlum að eiga saman notalega aðventustund á Grettisgötunni. Við bjóðum upp á heitt súkkulaði og smákökur, upplestur og tónlist. Allir félagsmenn SFR og St.Rv. velkomnir, frítt inn.

18. nóvember 2016

Háskóladeild SFR stofnuð

Um þrjátíu félagsmenn úr SFR mættu á stofnfund háskóladeildar félagsins sem haldinn var í gær. Árni Stefán Jónsson ávarpaði fundinn og óskaði fundarmönnum meðal annars til hamingju með daginn, enda stofnfundurinn haldinn á 77 ára afmælisdegi SFR. Mikil ánægja var meðal fundarmanna með stofnun deildarinnar enda hafa háskólamenn lengi beðið eftir samastað innan félagsins en þeir eru um 11% félagsmanna.

17. nóvember 2016

Kvittunina beint í símann - Nýr valmöguleiki við bókun orlofshúsa

Nú er hægt að velja að láta senda sér kvittun fyrir bókun orlofshúsa í tölvupósti þegar bókun fer fram. Þegar greitt hefur verið fyrir orlofshúsið eða aðra þá orlofsmöguleika sem keyptir eru birtist hnappur neðst á kvittun sem gefur þennan möguleika. Einnig er hægt að velja eldri kvittanir og fá þær sendar með sama hætti. Athugið að pósturinn eins og sumir aðrir fjölpóstar getur lent í ruslpósti.

16. nóvember 2016

Desemberuppbótin 2016

Starfsmaður sem er í starfi fyrstu viku nóvembermánaðar fær greidda desemberuppbót miðað við fullt starf tímabilið frá 1. janúar til 31. október. Desemberuppbót er föst krónutala og tekur ekki hækkunum skv. öðrum ákvæðum kjarasamningsins og skal hún greidd út eigi síðar en 15. desember 2016.

11. nóvember 2016

STÓRFRÉTT - Háskóladeild SFR stofnfundur 17. nóvember

Stofnfundur nýrrar háskóladeildar SFR verður haldinn fimmtudaginn 17. nóvember á afmælisdegi félagsins. Fundurinn hefst kl. 16:30. Allir háskólamenntaði félagsmenn SFR eru hjartanlega velkomnir auk þeirra sem lokið hafa sem samsvarar einu ári í háskólanámi (60 einingar). Léttar veitingar í lok fundar.

10. nóvember 2016

Norræna velferðarvaktin

Fulltrúar SFR standa vaktina á lokaráðstefnu norrænu velferðarvaktarinnar á Nordica í dag. Á ráðstefnunni voru kynnt nokkur stór og mikilvæg verkefni og rannsóknir sem unnar hafa verið á undanförnum misserum

04. nóvember 2016

Stofnfundur háskóladeildar SFR

Stofnfundur að háskóladeild innan SFR verður haldinn 17. nóvember næstkomandi, kl. 16:30 að Grettigötu 89. Allir félagsmenn SFR sem lokið hafa BA/BS prófi eða sambærilegu námi og nemendur sem lokið hafa a.m.k. 90 einingum á háskólastigi eru velkomnir á stofnfundinn. Á fundinum verður m.a. kosið í stjórn deildarinnar.