Fréttir og greinar

03. júní 2014

Hótelmiðar komnir í sölu á orlofsvefnum

Hægt er að kaupa hótelmiða á Fosshótel og Edduhótel hér á orlofsvefnum undir liðnum „ávísanir“. Hver félagsmaður getur keypt mest 7 miða. Miðarnir eru til sölu frá byrjun júní fram í ágúst. Félagsmenn sjá sjálfir um að bóka gistingu og eru hvattir til að panta gistingu með góðum fyrirvara. Taka skal fram að greitt sé með gistimiða. Sjá nánari upplýsingar á www.fosshotel.is og á www.hoteledda.is.

31. maí 2014

Laxveiðileyfi til sölu í Norðurá fyrir gesti í Munaðarnesi

Félagsmönnum sem gista í Munaðarnesi á komandi sumri býðst að kaupa laxveiðileyfi í Norðurá og hafa til þess forgang til og með 2. júní. Eftir það opnast salan á alla félagsmenn BSRB. Hálfur dagur kostar kr. 3.500 og eru seldar tvær stangir á svæðið og er leyft að veiða á allt agn. Veiði hefst 9. júní og hefur ROM annan hvern dag til umráða/sölu á mót Eflingu stéttarfélagi. Veitt er frá 7.00 – 13.00 og/eða frá 16.00-22.00.

28. maí 2014

Kynningarfundir fyrir sjóðfélaga LSR

Árlega eru haldnir kynningarfundir fyrir virka sjóðfélaga í A- og B-deild LSR sem vilja fræðast um lífeyrismál; um uppbyggingu réttindakerfisins iðgjaldaskil, lífeyristökualdur og áætlaðar lífeyrisgreiðslur. Sjóðfélagar skrá sig fyrirfram á fundina. Hægt er að velja um tvær dagsetningar; þann 3. júní eða 4. júní. Fundir eru haldnir bæði að morgni til eða síðdegis: 8:30 – 10:00 eða 16:30 – 18:00. Nauðsynlegt er að skrá sig í síma 510-6100 eða ...

26. maí 2014

Kjarasamningur SFR og SFV - Atkvæðagreiðsla og kynning

Atkvæðagreiðsla um nýjan kjarasamning SFR og SFV fer fram á netinu með rafrænum hætti og hefst 27. maí kl. 17:00 og lýkur 3. júní kl. 12:00. Samningurinn gildir frá 1. mars 2014 til 30. apríl 2015. Einnig var undirritaður nýr stofnanasamningur þar sem en þar kemur ný grunnröðun launa. Kynningafundir um kjarasamninginn verða:
• Þriðjudagur 27. maí kl. 16, Grettisgötu 89, 1. hæð, BSRB húsinu.
• Þriðjudagur 27. maí kl. 17:30, SÁÁ, Efstaleiti 7
• Miðvikudagur 28. maí kl. 9:30, HNLFÍ í Hveragerði

26. maí 2014

Hver er réttur lífeyrisþega til inngreiðslna á höfuðstól húsnæðislána?

Aðalfundur LSFR var haldinn 20. mars sl. og sendi frá eftirfarandi ályktun: Lífeyrisdeild SFR skorar á ríkisstjórn að tryggja við breytingar á lögum um séreignasparnað og inngreiðslu á höfuðstól húsnæðislána verði gerðar breytingar á lögum um útgreiðslu lífeyris. Breytingin er að lífeyrisþegum, sem það velja, bjóðist að greiða ákveðinn hluta lífeyris inn á höfuðstól lána. Greiðslan þarf að vera af heildarlífeyri áður en tekinn er skattur af lífeyri. Þannig er jafnræðis gætt milli þeirra sem á vinnumarkaði eru og hinna sem lokið hafa ævistarfi.

23. maí 2014

SFR og Reykjavíkurborg - niðurstöður atkvæðagreiðslu

Fyrir mistök birtist frétt um niðurstöður atkvæðagreiðslu um kjarasamning SFR og Reykjavíkurborgar aldrei á vef okkar en niðurstöður hennar lágu fyrir þann 16. maí þegar atkvæðagreiðslu lauk. Skemmst er frá því að segja að kjarasamningurinn var samþykktur með rétt tæplega 70% atkvæða. Já sögðu 69,09%, Nei sögðu 27,27%, auð atkvæði voru 3,64%. Sjá kjarasamning hér.

22. maí 2014

Stofnun ársins valin

Rétt í þessu voru kynntar niðurstöður úr könnuninni Stofnun ársins og Fyrirtæki ársins 2014 í Hörpunni. Stofnanir ársins eru þrjár, hver í sínum stærðarflokki:

Sjálfsbjargarheimilið er sigurvegari í flokki stórra stofnana með fleiri en 50 starfsmenn. Einkaleyfastofan er stofnun ársins í flokki meðalstórra stofnana þar sem starfsmenn eru 20-49. Héraðsdómur Suðurlands bar sigur út býtum í flokki stofnana þar sem starfsmenn eru færri en 20.

Hástökkvarinn í ár, eða sú stofnun sem hækkaði sig mest á milli ára er Sýslumaðurinn á Blönduósi en hann hækkaði sig um heil 43 sæti.

22. maí 2014

Stofnun ársins kynnt í kvöld

Niðurstöður könnunarinnar um val á Stofnun ársins og fyrirtæki ársins fer nú fram í Hörpunni, þegar hefur farið fram kynning á Fyrirmyndarfyrirkækjunum og hástökkvara ársins sem er Sýslumaðurinn á Blönduósi en síðar í kvöld kemur í ljós hvaða stofnanir hljóta titilinn Stofnun ársins. Hægt er að fylgjast með athöfninni í beinni útsendingu á mbl.is Að athöfn lokinni verða allar niðurstöður könnunarinnar settar hér á vefinn.

22. maí 2014

Verkfalli aflýst - samningar í höfn

Eftir rúmlega sólarhringssetu hefur verið skrifað undir kjarasamnings í húsnæði ríkissáttasemjara en samkomulag náðist í deilunni rétt í þessu eftir langan og strangan samningafund. Verkfalli sem hófst kl. átta í morgun hefur því verið aflýst og gert er ráð fyrir að regla komist á vinnustaðina fljótlega og að síðar í dag verði allt komið á rétt ról.

Kynning á kjarasamningnum mun fara fram fljótlega og í kjölfarið fer fram atkvæðagreiðsla um hann.

22. maí 2014

Verkfall hafið

Ljóst er að verkfall SFR og SLFÍ gegn SFV hefst núna kl. 8. Mikilvægt er að allir félagsmenn mæti á fund á Grettisgötu 89 nú á eftir kl. 09. Þar munum við fara yfir verkfallsvörslu dagsins og ræða framhaldið.
Þrátt fyrir að að verkfall hefjist þá munum við halda áfram viðræðum fram eftir morgni. Okkar von er sú að það muni skila árangri.