Fréttir og greinar

06. febrúar 2013

Ályktun frá stjórn Félags ráðgjafa og stuðningsfulltrúa

Eftirfarandi ályktun var samþykkt á fundi Félags ráðgjafa og stuðningsfulltrúa í lok janúar: "Félag ráðgjafa og stuðningsfulltrúa lýsir eindregnum stuðningi við baráttu hjúkrunarfræðinga fyrir bættum kjörum á Landspítalanum. Það er löngu tímabært að þessi mikilvæga stétt, einn helsti burðarásinn í sjálfu heilbrigðiskerfi þjóðarinnar, fái uppreisn launa og bót kjara sinna.

05. febrúar 2013

Skeggrætt á morgunverðarfundi

Nú stendur yfir morgunverðarfundur félagsmanna SFR á Grettisgötunni. Þar eru kjaramálin að sjálfsögðu efst á baugi.

01. febrúar 2013

Páskaúthlutun

Síðasti dagur til að sækja um páskaúthlutun er á mánudaginn 4. feb. til miðnættis. Úthlutað verður á miðvikudag. Kíkið á orlofsvefinn.

01. febrúar 2013

Leiðréttingar til kvennahópa

Kjaramál hjúkrunarfræðinga hafa verið áberandi í umræðunni síðast liðna daga. Nú hefur þeim verið boðin ákveðin kjarahækkun sem hefur vakið viðbrögð hjá ýmsum stéttum. Árni Stefán Jónsson, formaður SFR segist líta svo á að hækkunin sé hluti af útspili ríkisvaldsins til að jafna kynbundinn launamun, eins og boðað var fyrir stuttu . „Við höfum fyrir þó nokkru síðan lagt inn beiðni þess efnis að stofnanasamningur SFR við LSH verði endurskoðaður.

31. janúar 2013

Morgunverðarfundur

Nú stendur yfir morgunverðarfundur á fyrstu hæð Grettisgötu 89. Þar eru samankomnir félagsmenn og ræða málefni félagsins og fleira. Röð morgunverðafunda verður haldin nú fram á vor.

29. janúar 2013

Kynbundinn launamunur

SFR fagnar útspili stjórnvalda og þeim fögru fyrirheitum sem þau gefa um að draga úr kynbundnum launamun. Félagið hefur undanfarin ár barist ötullega gegn launamun kynjanna og birt niðurstöður launakannana sem sýnt hafa kynbundinn launamun ár eftir ár.

29. janúar 2013

Morgunverðarfundur

Hópur árrisula félagsmanna mætti á morgunverðarfund á Grettisgötu 89 í morgun og ræddu ýmis mál. Þar var m.a. rætt um álag í starfi, möguleika til starfsþróunar og launa- og kjaramál.

28. janúar 2013

Félagsráð SFR

Þróun kaupmáttar, skipulag verkalýðshreyf-ingarinnar og undirbúningur fyrir aðalfund voru meðal efnis á fyrsta fundi Félagsráðs á árinu sem haldinn var á Hótel Sögu sl. föstudag. Á fundinum fór einnig fram afar mikilvæg stefnumótunarvinna auk þess sem Oddur Jakobsson hagfræðingur Kennarasambands Íslands hélt erindi um afdrif kaupmáttar í íslensku efnahagshruni. Mikil og góð stemmning var á fundinum enda fjölmörg verkefni framundan á vettvangi stéttarfélagsins.

28. janúar 2013

Ísland vann Icesave

EFTA dómstóllinn hafnaði nú fyrir stundu öllum kröfum Eftirlitsstofnunar EFTA (ESA) í Icesave málinu. Aðallega var tekist á um tvö atriði fyrir EFTA dómstólnum. Þ.e. sú fullyrðing að Ísland hafi brotið tilskipunina um innstæðutryggingar og hins vegar að Ísland hafi brotið jafnræðisreglu EES-samningsins með því að mismuna innstæðueigendum. ESA og Evrópusambandinu var gert að greiða málskostnað. Niðurstaðan er lokaniðurstaða sem ekki er hægt að áfrýja.

24. janúar 2013

Páskaúthlutun

Hér er hægt að sækja um orlofshús SFR um páskana og er umsóknarfrestur til og með 4. febrúar, úthlutað verður 6. febrúar. Vikan innanlands kostar 23.000 kr. og í Kaupmannahöfn 77.000 kr. Páskaúthlutun kostar 40 punkta.