Fréttir og greinar

16. janúar 2024

Þjóðfáni Palestínu dreginn að húni á BSRB-húsinu

Launafólk sýnir samstöðu með almenningi í Palestínu; körlum, konum og börnum á Gaza svæðinu og Vesturbakkanum í Palestínu.

16. janúar 2024

Nýr orlofskostur bætist við á Spáni

Sameyki býður félagsfólki sínu nýjan orlofskost á Spáni. Um er að ræða glæsilega íbúð á jarðhæð í fallegu umhverfi. Íbúðin skiptist í eldhús, tvö baðherbergi, þrjú svefnherbergi og stofu sem er með svefnsófa. Svefnrými er fyrir allt að átta gesti í íbúðinni. Útgengt er frá íbúð á verönd og fylgir glæsilegur garður með sólbaðsaðstöðu og stórri sundlaug sem hönnuð er fyrir alla aldurshópa. Íbúðin er staðsett í Quesada á Hvítu ströndinni á Spáni í fögru og snyrtilegu umhverfi sem er þekkt fyrir rólegheit. Í hverfinu eru stutt í alla þjónustu og samgöngur í kring eru auðveldar og öruggar.

16. janúar 2024

Samninganefndir fræddust um samningatækni

Samninganefndir Sameykis sóttu námskeið í samningatækni í gær sem þótti áhugavert fyrir komandi kjarasamningaviðræður. Námskeiðið var vel sótt og setið var í hverju sæti. Dr. Aldís G. Sigurðardóttir, lektor við viðskiptadeild Háskólans í Reykjavík, sá um að fræða samninganefndirnar í félagamiðstöðinni í BSRB-húsinu. Dr. Aldís er sérfræðingur í samningatækni og starfaði áður við Háskólann í Twente í Hollandi þar sem hún rannsakaði hegðun samningamanna og kenndi þau fræði sem og önnur viðskiptatengd fög. Í Twente þróaði hún námslínu á meistarastigi í samningatækni og stýrði því námi við háskólann.

10. janúar 2024

„Forsenduákvæði algjör grundvöllur í næstu kjarasamningum“

Þórarinn Eyfjörð, formaður Sameykis, var gestur í þættinum Pallborðið á visir.is ásamt Ragnari Þór Ingólfssyni, formanni VR og Helga ...

08. janúar 2024

Þjóðarsátt – um hvað og fyrir hverja?

Kjarasamningar starfsfólks hjá ríkinu og sveitarfélögum sem eru innan BSRB, BHM og KÍ renna flestir út þann 31. mars næstkomandi en kjarasamningar verkalýðsfélaga innan ASÍ og á almenna markaðnum renna út um næstu mánaðarmót. Það er mikilvægt að vel takist til við samningaborðið því stétta- og verkalýðsfélögin og bandalög þeirra verða að ná góðum árangri fyrir félagsfólk sitt. Launafólk verður að fá fullvissu um að kjarasamningar hverju sinni séu skref fram á við, bæði í beinhörðum launagreiðslum og öðrum þáttum sem hafa mikil áhrif á afkomu fólks og gangverk samfélagsins í heild.

05. janúar 2024

Engin breiðfylking um þjóðarsátt án opinberra starfsmanna

Þórarinn Eyfjörð, formaður Sameykis sagði í hádegisfréttum ríkisútvarpssins í dag að tómt mál væri að tala um breiðfylkingu og þjóðarsátt á vinnumarkaði án aðkomu opinbers starfsfólks á vinnumarkaði og fulltrúa hagsmunahópa öryrkja og aldraðra. Mögulegur samningur SA og ASÍ mun ekki leggja línur um framhaldið sagði hann í samtali við Hauk Holm.

21. desember 2023

Opnunartímar á skrifstofu Sameykis í kringum jól og áramót

Opnunartímar á skrifstofu Sameykis í kringum jól og áramót. Föstudagur 22. desember – opið kl. 9-13, Mánudagur 25. desember – lokað, Þriðjudagur 26. desember – lokað

20. desember 2023

Páskaúthlutun orlofshúsa Sameykis á Tenerife og Alicante

Opnað verður fyrir páskaúthlutun á Spáni á morgun 21. desember kl. 9:00 á Orlofshúsavef Sameykis. Umsóknartímabilið er 21. desember – 23. janúar 2024. Úthlutun fer fram 24. janúar 2024. Greiðslufrestur er til og með 1. febrúar 2024.

18. desember 2023

Aðförin að verkfallsrétti launafólks

Sonja Ýr Þorbergsdóttir skrifar á visir.is pistil þar sem hún gagnrýnir harðlega ímyndarherferð Samtaka atvinnulífsins og þá aðför sem hagsmunasamtök atvinnurekenda standa í að svipta launafólk verkfallsréttinum. Skrifar Sonja pistilinn vegna kjarabaráttu flugumferðarstjóra og segir að SA hafi útmálað flugumferðarstjóra sem heimtufreka hálaunastétt sem hafi ekkert tilefni til verkfalls og eigi því líkt og önnur óþekk börn að fá kartöflu í skóinn.