Fréttir og greinar

24. maí 2013

Stofnun ársins 2013

SFR-Stofnin-arsins-2013 SFR-Fyrirmyndarstofnun-2013 Niðurstöður úr könnuninni Stofnun ársins 2013 voru kynntar nú fyrir stundu á Hilton Reykjavík Nordica Hótel að viðstöddu fjölmenni. Stofnanir ársins eru þrjár eins og áður, hver í sínum stærðarflokki. Sérstakur saksóknari er sigurvegari þriðja árið í röð í flokki stórra stofnana með fleiri en 50 starfsmenn. Landmælingar er stofnun ársins í flokki meðalstórra stofnana þar sem starfsmenn eru 20-49 talsins og er þetta annað árið sem Landmælingar sigra í sínum flokki. Í flokki stofnana þar sem starfsmenn eru færri en 20 bar Sýslumaðurinn á Siglufirði sigur út býtum.

24. maí 2013

Sigurvegarar í Stofnun ársins tilkynntir síðar í dag

Sigurvegarar í Stofnun ársins 2013 verða tilkynntir síðar í dag við hátíðlega athöfn. Þá mun einnig verða opnað fyrir niðurstöður könnunarinnar hér á vefnum undir hnappnum Kannanir. Mikil eftirvænting ríkir um valið og hafa fulltrúar þeirra stofnana sem þátt tóku verið boðaðir til verðlaunaafhendingarinnar. Þar verður væntanlega mikil stemmning en Starfsmannafélag Reykjavíkurborgar mun þar einnig kynna Stofnun ársins - Borg og bær og VR kynnir Fyrirtæki ársins 2013.

23. maí 2013

Vinningshafar í happdrættinu

Þátttakendur í könnuninni Stofnun ársins eru jafnframt þátttakendur í happdrætti. Þeir sem svöruðu könnuninni áttu þannig möguleika á glæsilegum vinningi. Úr innsendum svörum voru dregnir út sex vinningar og eru vinningshafar sem hér segir: Kristinn G. Garðarsson og Ásdís Sigurðardóttir (gjafabréf frá Icelandair að verðmæti 60 þús. kr.), Eva Rós Sveinsdóttir og Torfhildur R. Gunnarsdóttir (tveir miðar á tónlistarhátíðina Airwaves), Þóra Sólveig Jónsdóttir og Páll Mortensen (helgardvöl í orlofshúsi SFR).

23. maí 2013

Stofnun ársins valin í lok vikunnar

Tilkynnt verður um hvaða stofnanir hljóta nafnbótina Stofnun ársins 2013 og Fyrirmyndarstofnanir á föstudaginn kemur. Fulltrúum stofnana hefur verið boðið til hátíðlegar athafnar þar sem tilkynnt verður um úrslitin úr könnuninni og viðurkenningar veittar. Þetta er í áttunda sinn sem SFR tekur þátt í könnuninni, en hún er unnin af Capacent í samstarfi við VR, St.Rv. og fjármálaráðuneytið.

17. maí 2013

Kröfugerð SFR í vinnslu

Á kjararáðstefna trúnaðarmanna SFR sem haldin var í gær voru lagðar línur fyrir kröfugerð félagsins í komandi kjarasamningum. Kjarasamningar félagsins eru lausir um áramót en undirbúningur kröfugerðar og kjarasamningsviðræðna hefur staðið yfir síðan í janúar. Ljóst er að áherslurnar sem fram komu á ráðstefnunni í gær munu verða áberandi í kröfugerðinni.

16. maí 2013

Ástand og horfur efnahagsmála á kjararáðstefnu trúnaðarmanna SFR

important; font: 13px/17px 'lucida grande', tahoma, verdana, arial, sans-serif; white-space: normal; float: none; letter-spacing: normal; color: #333333; word-spacing: 0px; -webkit-text-size-adjust: auto; -webkit-text-stroke-width: 0px;">Ásgeir Jónsson hagfræðingur og lektor hjá HÍ ræðir m.a. um ástand og horfur í efnahagsmálum. Myndin sem hann dregur upp er sannarlega ekki jákvæð og skapaði erindi hans miklar umræður og spurningar úr sal.

14. maí 2013

Rangt símanúmer á bréfi með félagsskírteini!

Því miður misritaðist símanúmer SFR á bréf sem fylgir félagsskírteininu sem er að koma til félagsmanna núna. Rétt símanúmer hjá SFR er 525-8340 en ekki 585-8340 sem er hjá Póstmiðstöðinni. Beðist er velvirðingar á þessum mistökum.

10. maí 2013

Norræn ráðstefna læknaritara vel heppnuð

Félag íslenskra læknaritara hélt norræna ráðstefnu 2. - 4. maí sl. og voru þátttakendur 150 talsins frá öllum Norðurlöndunum. Ráðstefnan var vel heppnuð í alla staði og þar voru flutt ýmis fróðleg erindi en þema ráðstefnunnar var hvernig læknaritarar geta þróað starfsgrein sína til framtíðar.

10. maí 2013

Kæri þingmaður

SFR stéttarfélag í almannaþjónustu hefur sent bréf til allra þingmanna, jafnt nýrra sem þeirra sem reynsluna hafa. Í bréfinu er þeim að sjálfsögðu óskað til hamingju með kjörið en um leið settir inn í og minntir á þau mál sem SFR finnst skipta máli og brýnt er að stjórnvöld einbeiti sér að.

03. maí 2013

maí á Akureyri

Þann 1. maí var gengin kröfuganga á Akureyri og að henni lokinni var síðan hátíðardagskrá í tilefni dagsins haldin í Menningarhúsinu Hofi. Þar héldu m.a. Arna Jakobína Björnsdóttir formaður Kjalar ræðu og Óskar Þór Vilhjálmsson stjórnarmaður hjá SFR flutti ávarp 1. maí nefndar á Akureyri. Fjölmennur hópur fólks tók þátt í baráttudeginum eins og myndirnar sýna.