Laugardaginn 17. janúar næstkomandi eru liðin 100 ár frá stofnun Starfsmannafélags Reykjavíkurborgar (StRv), sem er annað af stofnfélögum Sameykis stéttarfélags í almannaþjónustu sem stofnað var snemma árs 2019.
Af því tilefni ætlar Sameyki að halda opið hús í Tjarnarsal í Ráðhúsi Reykjavíkur milli kl. 15:00 og 17:00, þar sem boðið verður upp á léttar veitingar og notalega samveru.
Guðrún Gunnarsdóttir sér um veislustjórn, Stefán Pálsson sagnfræðingur fer yfir sögu StRv og núverandi formaður Sameykis ásamt fyrrverandi formönnum segja frá starfi og baráttu félagsins í gegnum tíðina.
Katrín Halldóra Sigurðardóttir flytur söngatriði og Sunna Gunnlaugs, djazzpíanisti, annast undirleik milli atriða. Þá verður myndasýning í salnum sem varpar ljósi á sögu félagsins.
Við viljum bjóða þér sérstaklega að taka þátt í þessum tímamótum og fagna með okkur 100 ára sögu samstöðu, baráttu og árangurs í þágu starfsfólks Reykjavíkurborgar.
Vinsamlega skráðu þig hér: