Orlofshús og íbúðir
Sameyki á og rekur 70 eignir innanlands og 3 eignir á Spáni og er auk þess með fjölmörg hús og íbúðir til framleigu yfir orlofstímann á sumrin.
Stjórn orlofssjóðs ákveður hvaða önnur orlofstilboð eru í boði hverju sinni yfir sumartímann og eru þau auglýst í Orlofsblaði Sameykis, sem alla jafna kemur út í mars á hverju ári.
Á sumrin eru ýmsir aðrir möguleikar í boði. Ferðaávísun er tilvalin til þess að fá hagstæða gistingu á hótelum um land allt auk fjölbreyttra möguleika á skipulögðum gönguferðum með Ferðafélagi Íslands og Útivist. Auk þess er hægt að fá veiðikortið, útilegukortið, gjafabréf í flug og í ferðir Úrvals Útsýnar á Orlofshúsavef Sameykis, auk orlofsávísana sem er úthlutað með sama hætti og orlofshúsum. Hægt er að finna nánari upplýsingar um þær undir Spurt og svarað.
Hér má sjá ýmsar hagnýtar upplýsingar og dagsetningar úthlutunar.
Í Orlofsblaðinu ár hvert eru kynntir allir orlofsmöguleikar sem Sameyki hefur upp á að bjóða fyrir félagsmenn sína. Einnig má finna ítarlegar upplýsingar um orlofshús og íbúðir á Orlofshúsavef Sameykis.