Grettisgötu 89
105 Reykjavik
Ísland

525-8330
sameyki@sameyki.is
6202690-3449

Atvinnuleitendur

Ert þú í atvinnuleit? Hugaðu að réttindum þínum og skráðu þig í viðeigandi stéttarfélag á meðan þú ert í atvinnuleit.
Halda áfram

Þjónusta við atvinnuleitendur

Atvinnuleitandi sem er skráður félagsmaður í Sameyki hefur ýmis réttindi innan félagsins, en atvinnuleitendum sem fá greiðslur frá Vinnumálastofnun er gefinn kostur á því að að velja sér aðild að stéttarfélagi.
Félagsfólk í Sameyki sem verður atvinnulaust á rétt til áframhaldandi félagsaðildar meðan það er á skrá sem atvinnulaust, enda eigi það ekki aðild að öðru stéttarfélagi. Félagið hvetur atvinnuleitendur og þá sem missa vinnu til þess að huga að réttindum sínum og skrá sig í viðeigandi stéttarfélag þegar þeir sækja um atvinnuleysisbætur.

Uppfæra netfang á Mínum síðum

Mikilvægt er að bæta við netfangi inni á Mínum síðum Sameykis eða uppfæra ef um er að ræða vinnunetfang til að hægt sé að koma upplýsingum til atvinnuleitenda.

 

Réttindi atvinnuleitenda innan Sameykis:

Upplýsingar og ráðgjöf

Aðgang að náms- og starfsráðgjöf í samvinnu við Fræðslusetrið Starfsmennt, sjá nánar hér.
Blað Sameykis og önnur útsend gögn s.s tímavinnubók.

Námskeið og námsstyrkir

Réttur til að sækja um námsstyrk í starfsmenntasjóði, sjá nánar hér.
Réttur til að sækja "Gott að vita" námskeið sem félagið býður upp á þér að kostnaðarlausu.
Námskeið á vegum Starfsmenntar. Félagsfólk Sameykis sem eru; ríkisstarfsmenn eða  tilheyrðu áður SFR, Starfsfólk Reykjavíkurborgar, Akranesskaupstaðar, Seltjarnarnesbæjar, Dvalarheimilisins Höfða, Innheimtustofnunar sveitarfélaga og Slökkviliðs höfuðborgarsvæðisins geta sótt námskeið og þjónustu Starfsmenntar sér að kostnaðarlausu. 

Orlofsmál

Atvinnuleitendur eiga jafnan rétt og annað félagsfólk á leigu orlofshúsa og íbúða félagsins
Einnig getur félagsfólk sótt um aðra orlofskosti sem eru í boði á hverjum tíma s.s. flugávísanir, tilboð á hótelmiðum, veiðikort o.fl.

Styrktarsjóður

Atvinnuleitendur geta sótt um styrki sem tengjast heilsueflingu, endurhæfingu, sjálfshjálp og forvörnum gegn sjúkdómum. Einnig geta þeir sótt um sjúkradagpeninga ef þeir veikjast. Tveir styrktar og sjúkrasjóðir eru fyrir félagsmenn Sameykis.

  • Styrktarsjóður BSRB fyrir þá sem starfa hjá Faxaflóahöfnum, Félagsbústöðum, Innheimtustofnun sveitarfélaga, Orkuveitu Reykjavíkur, Reykjavíkurborg, Slökkviliði höfuðborgarsvæðisins, Strætó, Sveitarfélagi Akranes og Sveitarfélagi Seltjarnarnes.
  • Styrktar- og sjúkrasjóður Sameykis fyrir þá sem starfa hjá Ás styrktarfélagi, Fríhöfn, Isavia, Klettabæ, Matís, Rarik, Ríkisstofnunum, RÚV, SÁÁ, SFV, sjálfseignastofnununum, Skálatúni og Vinakoti.

Í janúar 2023 mun félagsfólk Sameykis sameinast í einum sjóði, Styrktar- og sjúkrasjóður Sameykis, með nýjum úthlutnarreglum. 

Stjórn félagsins vill láta sig varða þennan hóp innan félagsins og styðja við hann á þann hátt sem best nýtist. Við bendum þér á að hafa samband við skrifstofu félagsins ef þú hefur einhverjar spurningar eða ábendingar um það hvernig félagið getur stutt við hóp atvinnuleitenda innan félagsins.

Góð ráð fyrir atvinnuleitendur á vef VIRK, bæði á velvirk.is og á síðunni Aftur í vinnu.

Skrifstofa Sameykis er til húsa á Grettisgötu 89, 4 hæð, sími 525-8330, netfang sameyki@sameyki.is. Skrifstofan er opin alla virka daga milli klukkan 9 og 16. Við leggjum metnað okkar í að taka vel á móti félagsfólki okkar og bjóðum ykkur velkomin á skrifstofu félagsins.

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)