Sameyki stéttarfélagi í almannaþjónustu var stofnað 26. janúar 2019 við sameiningu Starfsmannafélags Reykjavíkurborgar og SFR stéttarfélags í almannaþjónustu.
Félagsmenn í Sameyki eru rúmlega 14 þúsund og eru 65 prósent þeirra konur og 35 prósent karlar. Félagar í Sameyki starfa í fjölbreyttum störfum í almannaþjónustu. Nokkrir stærstu vinnustaðirnir eru Landspítali, Strætó, fangelsin, Isavia, Orkuveitan, Skatturinn, leikskólar, grunnskólar og framhaldskólar, frístundamiðstöðvar og heimili, söfnin, sambýli fatlaðra, sjálfseignarstofnanir í heilbrigðisgeiranum (Samtök fyrirtækja í velferðarþjónustu), skrifstofur sýslumannsembættanna o.fl.
Félagssvæði Sameykis er allt landið.
Stjórnendur
Formaður: Kári Sigurðsson - kari@sameyki.is
Framkvæmdastjóri: Gunnsteinn R. Ómarsson - gunnsteinn@sameyki.is
Tengiliður fjölmiðla
Samskiptastjóri: Axel Jón Ellenarson - axel@sameyki.is
Merki (logo) Sameykis
Hægt er að hlaða niður merki Sameykis á PDF sniði.
Merki Sameykis (lóðrétt rautt / lóðrétt blátt)
Merki Sameykis (lárétt rautt / lárétt blátt)
Heitið Sameyki er sjaldgæft en hljómfagurt íslenskt orð sem er gamalt í málinu. Orðið sameyki merkir teymi (e. team) og var sérstaklega notað sem slíkt áður en orðið teymi varð til í íslensku. Orðið sameyki stendur þannig fyrir samvinnu en er einnig notað yfir það þegar dýr eða vélar eru tengd saman til að draga þungt hlass. Merkingin vísar í styrk, samstarf og samstöðu og er lýsandi fyrir sameinað félag.
Sameyki var ein af 291 hugmynd sem send voru inn í samkeppni um nafn og höfundur þessa merkingarþrungna heitis er Margrét Högnadóttir sem er trúnaðarmaður hjá Ríkisskattstjóra.
Ljósmyndir
Fjölmiðlum er heimilt að nota ljósmyndirnar hér að neðan með fréttum sem tengjast myndefninu. Vinsamlegast athugið að önnur not á myndunum eru ekki heimil án leyfis frá Sameyki. Höfundur ljósmyndanna er Birgir Ísleifur Gunnarsson/BIG.
Kári Sigurðsson, formaður Sameykis. Smelltu á ljósmynd til sækja.
