Hagkvæmari veiði og útivist fyrir félagsfólk
Veiðikortið: Félagsfólk í Sameyki getur keypt eitt veiðikort á ári á sérstöku félagsverði á Orlofshúsavef Sameykis eða á skrifstofu félagsins. Kortið kostar 5.700 kr. hjá félaginu en 8.900 kr. í almennri sölu. Kortið er mjög hagkvæmur valkostur sem hentar jafnt veiðimönnum sem fjölskyldufólki. Hægt er að veiða nær ótakmarkað í 34 veiðivötnum víðs vegar um landið og tjalda endurgjaldslaust við mörg þeirra. Veiðikortið er stílað á einn einstakling og þurfa korthafar að merkja kortið með kennitölu sinni í þar til gerðan reit. Fara ber eftir öllum reglum og upplýsingum um veiðisvæðin sem fram koma í Veiðikortinu.
Útilegukortið: Félagsfólki í Sameyki býðst að kaupa Útilegukortið á sérstöku félagsverði. Engin takmörk eru fyrir því hve oft má koma á hvert tjaldsvæði innan gistináttanna 28 en einungis má gista í fjórar nætur samfellt í hvert skipti. Frekari upplýsingar eru á vef Útilegukortsins. Útilegukortið kostar 17.500 kr. fyrir félagsfólk en almennt verð er 24.900 kr. Hægt er að kaupa kortið á Orlofshúsavef Sameykis eða á skrifstofu félagsins.