Hér fyrir neðan finnur þú kjarasamning milli viðsemjenda ásamt upplýsingum um ýmis réttindi.
SFR og Samtök atvinnulífsins fyrir hönd Isavia ohf. hafa gert með sér samkomulag um framlengingu núverandi kjarasamnings til 31. mars 2019 með breytingum. Kjarasamningur SFR og Isavia var síðast gefinn út í heild sinni árið 2011. Lesa þarf saman samningana frá 2011, 2014 og 2017.
- Ásamt samkomulagi aðila um breytingu á launatöflu, sjá hér.
Desemberuppbót 2018 er 89.000 kr.
Desemberuppbótin greiðist 1. desember miðað við fullt starf tímabilið 1. janúar til 31. október.
Persónuuppbót er föst krónutala og tekur ekki hækkunum skv. öðrum ákvæðum kjarasamningsins. Á persónuuppbót reiknast ekki orlofsfé. Hafi starfsmaðurinn gegnt hlutastarfi eða unnið hluta úr ári, skal hann fá greitt miðað við starfshlutfall á framangreindu tímabili. Á sama hátt skal einnig starfsmaður sem látið hefur af starfi en starfað hefur samfellt í a.m.k. 3 mánuði (13 vikur) á árinu, fá greidda persónuuppbót, miðað við starfstíma og starfshlutfall. Sama gildir þótt starfsmaður sé frá störfum vegna veikinda eftir að greiðsluskyldu stofnunar lýkur.