Uppbygging fræðslu trúnaðarmanna
Framboð fræðslu trúnaðarmanna Sameykis er unnið í samstarfi við annars vegar Félagsmálaskóla alþýðu og hins vegar í samstarfi við Fræðslusetrið Starfsmennt. Markmiðið með fræðslu trúnaðarmanna er að styrkja trúnaðarmanninn í því að takast á við margþætt hlutverk sitt. Trúnaðarmaður á að hafa vakandi auga með því að staðið sé við kjarasamninga á vinnustaðnum og að á engan hátt sé brotið á réttindum starfsmanna. Hann er tengiliður milli vinnustaðar og stéttarfélags og vinnur að lausnum þeirra ágreiningsmála sem upp koma á vinnustað.
Í samstarfi við Félagsmálaskólann er boðið upp á trúnaðarmannanám í 6 hlutum sem er byggt á vottaðri námsskrá þar sem tilteknir námsþættir eru ákvarðaðir útfrá þörfum hópsins. Einnig býður skólinn upp á styttri námskeið um málefni líðandi stundar, réttindi og kjör. Í samstarfi við Fræðslusetrið Starfsmennt býður Sameyki trúnaðarmönnum upp á símenntunarnámskeið sem styrkja hann enn frekar í hlutverki sínu.
Trúnaðarmannanám Félagsmálaskóla alþýðu (FA)
Námið skiptist upp í 6 hluta og er hver þeirra tveggja daga langur, en hér er hægt að kynna sér þemu hvers hluta. Búið er að festa niður námskeið á vorönn 2023. Ekki þarf að taka námskeiðin í ákveðinni röð, því er um að gera að skrá sig á það námskeið sem hentar skipulagi hvers og eins. Hluti 1, 3, 4, 5 og 6 er í samstarfi við BSRB.
Skráning fer fram hér á vef Félagsmálaskólans en við skráningu er óskað eftir kennitölu greiðanda sem er 620269-3449. Hér er myndband með leiðbeiningum fyrir skráningu í námsumhverfi Félagsmálaskólans sem heitir Learncove.
17.-18. janúar, 4. hluti - Túlkun talna, hagfræði - Vinnuréttur (staðnám)
- skráning og nánari upplýsingar
1.-2. febrúar, 1. hluti - Þjóðfélagið og vinnumarkaður - Trúnaðarmaður, starf hans og staða (fjarnám)
- skráning og nánari upplýsingar
27.-28. febrúar, 5. hluti - Sjálfstyrking - Vinnueftirlit og vinnuvernd (fjarnám)
- skráning og nánari upplýsingar
15.-16. mars, 2. hluti - Samskipti á vinnustað, starfsemi Sameykis og túlkun kjarasamnings (staðnám)
- skráning og nánari upplýsingar
Félagsmálaskóli alþýðu (FA) er rekinn af BSRB og ASÍ en meginmarkmið skólans er að auka þekkingu talsmanna stéttarfélaga og efla þá í starfi til að gera þá enn betur í stakk búna til að vinna að bættum lífskjörum launafólks. Unnið er eftir námsskrá sem viðurkennd hefur verið af Mennta- og menningarmálaráðuneytinu en samtals er námið 96 kennslustundir. Námsskrá fyrir nám trúnaðarmanna má nálgast hér.
Símenntunarnámskeið í samstarfi við Starfsmennt
Dagskrá styttri námskeiða á vorönn 2023 er í vinnslu. Námskeiðin eru í samstarfi við Fræðslusetrið Starfsmennt.
Stytting vinnuvikunnar - fræðsluefni og upplýsingar
Til að auðvelda starfsfólki og stjórnendum að innleiða styttingu vinnuvikunnar var kynningarefni safnað saman hér. Námsstofur fyrir trúnaðarmenn vegna styttingu vaktavinnunnar voru haldnar í janúar og febrúar 2021, en námsstofur fyrir trúnaðarmenn á dagvinnustöðum voru haldnar á haustönn 2020. Sjá nánar um námsstofur hér.
Handbók trúnaðarmanna
Á vef Félagsmálaskóla alþýðu er að finna handbók trúnaðarmanna þar sem fjallað er um trúnaðarmanninn - starf og stöðu, stéttarfélagið - gögn og erindi, kjarasamninga og kauptaxta, réttindi launafólks, vinnuvernd, samskipti á vinnustað, hagfræði og launafólk, tryggingar, vinnustaðastarf og BSRB. Athugið að finna má handbókina á ensku neðst á síðunni.