Grettisgötu 89
105 Reykjavik
Ísland

525-8330
sameyki@sameyki.is
6202690-3449

Stofnun ársins 2022

Tilgangur könnunarinnar er að efla starfsumhverfi félagsfólks og starfsfólks í opinberri þjónustu. Stofnun ársins veitir mikilvægar upplýsingar um styrkleika og áskoranir í starfsumhverfi vinnustaða, stofnana og starfsstaða starfsfólki til hagsbóta.

 

Halda áfram

Nú er könnunin Stofnun ársins að fara af stað, en hún er samstarfsverkefni Sameykis, fjármála- og efnahagsráðuneytisins og Reykjavíkurborgar. Tengill á könnunina er sendur í tölvupósti til þátttakenda en félagsfólk Sameykis getur einnig nálgast könnunina inni á Mínum síðum. 


Svara Stofnun ársins inni á Mínum síðum 


Tilgangur könnunarinnar er að efla starfsumhverfi félagsfólks og starfsfólks í almannaþjónustu. Stofnun ársins veitir mikilvægar upplýsingar um styrkleika og áskoranir í starfsumhverfi vinnustaða, stofnana og starfsstaða starfsfólki til hagsbóta. Reykjavíkurborg tekur nú í fyrsta sinn þátt í könnuninni fyrir allt starfsfólk borgarinnar burtséð frá félagsaðild, líkt og ríkið hefur gert undanfarin ár. Sameyki býður einnig öllum stofnunum utan ríkisins að taka þátt í könnuninni fyrir allt starfsfólk – án tillits til þess hvort starfsfólkið sé í Sameyki eða ekki. Þetta gildir um stofnanir sveitarfélaga, sjálfseignarstofnanir og fyrirtæki borgarinnar. Þær stofnanir greiða sjálfar fyrir þátttöku þeirra sem eru ekki í Sameyki.

 

Dettur þú í lukkupottinn?
Allir sem klára könnunina fara sjálfkrafa í happdrættispott. Úr hópi svarenda Sameykis verða alls dregnir 12 vinningar úr innsendum svörum:

• Tvö gjafabréf frá Icelandair að andvirði 60 þúsund krónur hvort.

• Fjórir vinningar eru 30.000 kr. gjafabréf í Hörpu.

• Fimm vinningar eru helgardvöl í orlofshúsum félagsins, utan úthlutunartíma.

• Einn vinningur er vikudvöl í orlofshúsi félagsins á Spáni, utan úthlutunartíma.

Vinningsnúmer verða birt í febrúar á næsta ári á vef Sameykis. Einnig verður haft samband við vinningshafa.

Niðurstöður úr vali á Stofnun ársins verða birtar í febrúar á vef Sameykis.

Sameyki er ábyrgðaraðili könnunarinnar gagnvart sínu félagsfólki, en Gallup annast alla gagnavinnslu og framkvæmd könnunarinnar (Gallup er vinnsluaðili). Gallup fer með öll svör sem trúnaðarmál. Sjá nánar um persónuverndarstefnu Gallup hér. Aldrei eru birtar niðurstöður fyrir færri en fimm svarendur. Meiri upplýsingar um framkvæmd könnunarinnar má nálgast hér á vef Gallup.

 

Um könnunina
Niðurstöður könnunarinnar veita afar mikilvægar upplýsingar um starfsumhverfi vinnustaða og samanburð við aðrar stofnanir. Einnig er hægt að bera saman starfsumhverfi stofnana og fyrirtækja á almennum markaði þar sem VR framkvæmir sambærilega könnun, Fyrirtæki ársins, meðal fyrirtækja.

 

 

 

 

 

 

 

 

 

 

 

 

 

Tilgangur könnunarinnar
Tilgangur með vali á stofnun ársins er að taka eftir og verðlauna vinnustaði sem ná framúrskarandi árangri í mannauðsstjórnun. Þá nýtist könnunin stjórnendum til að vinna að umbótum í stjórnun og starfsumhverfi. Að lokum veitir könnunin aðhald til hagsbóta fyrir starfsfólk, notendur þjónustu, viðskiptavini og aðra hagsmunaaðila.

Spurningalisti er lagður fyrir starfsfólk á netinu. Mælingin nær yfir níu ólíka þætti en þannig fæst heilsteypt mynd af innra starfsumhverfi stofnana. Þáttagreining (factor analysis) var notuð til að greina þá undirliggjandi þætti sem eru mældir. Í megindráttum komu fram níu þættir: Stjórnun, starfsandi, launakjör, vinnuskilyrði, sveigjanleiki vinnu, sjálfstæði í starfi, ímynd stofnunar, ánægja og stolt og jafnrétti. Vægi þáttanna í heildareinkunn ákvarðast af þáttagreiningunni (sjá myndina hér á síðunni) en stofnunum er síðan raðað eftir heildareinkunninni.

  

Þátttökuskilyrði
Til að stofnun/starfsstaður nái inn á listann þarf svarhlutfall að vera að lágmarki 35% – þá er miðað við svarhlutfall af útsendum spurningalistum. Fimm svör þurfa að lágmarki að berast frá stofnun/starfsstöðum, en auknar kröfur eru gerðar um fjölda svara eftir því sem starfsfólki stofnunarinnar fjölgar.

Könnunin nær til allra starfsstaða Reykvíkurborgar, allra ríkisstofnana sem og til alls félagsfólks Sameykis sem er í 30% starfi eða meira og hafa verið félagsfólk í a.m.k. þrjá mánuði. Félagsfólk Sameykis starfar víða, t.d. hjá ríki og sveitarfélögum (aðallega Reykjavík, Akranesi og Seltjarnarnesi), fyrirtækjum borgarinnar, hjá sjálfseignarstofnunum eða stofnunum í eigu annara en ríkisins. Þessar stofnanir/starfsstaðir eru einnig með í vali á stofnun ársins svo fremi sem þær uppfylli almenn þátttökuskilyrði. Þá geta þessar stofnanir/starfsstaðir óskað eftir þátttöku í Stofnun ársins og boðið öllu starfsfólki að svara könnuninni.

 

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)