Jólaball Sameykis haldið í desember

Jólaball Sameykis verður haldið á aðventunni eins og fyrri ár fyrir félagsfólk í Sameyki og fjölskyldur þeirra. Líkt og áður verður jólaballið haldið í Gullhömrum í Grafarholti sunnudaginn 14. desember kl. 15:00.

Jólasveinar gera sig heimakomna eins og þeim er einum lagið og munu skemmta sér með börnum og fullorðnum. Dansað verður í kringum jólatré og sungnir jólasöngvar.

Veitingar og glaðningur verður í boði eins og tilheyrir. Verð fyrir hvern miða er kr. 1.000 og hægt er að kaupa allt að 10 miða á skemmtunina.

Síðasti dagur til að kaupa miða er fimmtudagurinn 11. desember. Hægt er að kaupa miða á jólaballið á Orlofshúsavef Sameykis.

Smellið hér til að kaupa miða á jólaballið