Málþing Sameykis um mannauðsmál hefst í dag

Í dag kl. 14:00 hefst málþing Sameykis um mannauðsmál undir yfirskriftinni „Virkni og vellíðan á vinnumarkaði“ í Hilton Reykjavík Nordica. Málþingið er hluti af árlegum viðburði félagsins þar sem lögð er áhersla á að skoða nýjar leiðir til að efla vellíðan og starfshæfni á vinnustöðum.

Dagskráin spannar meðal annars yfir sjónarmið um stöðu mannauðsmála í dag, leiðir til forvarna gegn streitu hjá metnaðarfullu starfsfólki, virkari viðverustjórnun hjá Reykjavíkurborg og dýpri skilningi á fjarvistum starfsfólks vegna kvíða og annarra vinnutengdra þátta. Sérfræðingar og gestafyrirlesarar munu ræða þessar áskoranir og úrræði til handa stjórnendum og starfsfólki. Málþingið er haldið í tengslum við Stofnun ársins, sem hefst kl. 16:30 í dag. Viðburðirnir marka mikilvægan vettvang fyrir umræðu og miðlun þekkingar um mannauðsmál innan opinbera vinnumarkaðarins.

Málþingsstjóri er Sirrý Arnardóttir fjölmiðlakona og viðburðurinn stendur til kl. 16:15. Þetta málþing er einstakt tækifæri fyrir félagsfólk, stjórnendur vinnustaða og starfsfólk til að ræða og læra um mannauðsmál sem skipta máli á vinnustöðum.

Athugið að uppbókað er á málþingið en hægt er að horfa í beinu streymi hér.

Málþingið hefst kl. 14:00 og er í beinu streymi frá Hilton Reykjavík Nordica.

Dagskrá málþingsins Virkni og vellíðan á vinnumarkaði

Kl. 14:00-14:05   Setning málþings. Sirrý Arnardóttir
Kl. 14:05-14:25 Staðan í dag. Tómas Bjarnason og Harpa Hrund Berndsen.
Kl. 14:25-15:00 The Sick-Leave Paradox: Why Are the Most Capable People the Ones Getting Burned Out? Jens Nasström
Kl. 15:00-15:15 Kaffihlé  
Kl. 15:15-15:35   Virkari viðverustjórnun hjá Reykjavíkurborg. Hulda Sólveig Jóhannsdóttir.
Kl. 15:35-16:00 Dýpri skilningur á fjarvistum vegna kvíða ungs fólks. Torfi Már Jónsson.
Kl. 16:00-16:10 Hvað tekur þú með þér af málþinginu, samtal á milli þátttakenda.
Kl. 16:10-16:15 Samantekt málþingsstjóra