21. mars 2026
Ný vefsíða útskýrir hvers vegna áminningarskylda skiptir máli
Ný vefsíða, Góð áminning, hefur verið sett í loftið sem hluti af herferð stéttarfélaga og bandalaga þeirra gegn áformum ríkisstjórnar Kristrúnar Frostadóttur um að afnema áminningarskyldu úr lögum um réttindi og skyldur opinberra starfsmanna.
Markmið síðunnar er að varpa ljósi á mikilvægi áminningarskyldu í ráðningarsambandi og útskýra hvaða áhrif afnám hennar getur haft á réttaröryggi og stöðu launafólks. Þar er jafnframt dregið fram að áminningarskylda er lykilþáttur í sanngjarnri málsmeðferð og tryggir starfsfólki raunhæft tækifæri til úrbóta áður en gripið er til uppsagnar.
Á síðunni er efni sem ætlað er að auka skilning almennings á málinu og styðja við umræðu um réttindi á vinnumarkaði. Hún er liður í víðtækari herferð BSRB, KÍ og Félags íslenskra hjúkrunarfræðinga sem hafa varað við því að fyrirhugaðar lagabreytingar feli í sér alvarlega skerðingu á ráðningavernd tugþúsunda sem starfa á vinnumarkaði.
Sameyki hvetur félagsfólk og almenning til að kynna sér efnið og taka þátt í umræðunni um mikilvægi réttinda launafólks Góð á¬minning um sann¬girni
á vinnumarkaði.
