Formannaráð BSRB krefst þess að ríkisstjórnin dragi áform sín til baka tafarlaust

Formannaráð BSRB krefst þess að fjármálaráðherra, Daði Már Kristófersson, dragi tafarlaust til baka frumvarp um afnám áminningarskyldu ríkisstarfsmanna. Formannaráðið segir í ályktun sem það sendi frá sér að með frumvarpinu sé ráðist að grundvallarréttindum launafólks og að um eina stærstu réttindaskerðingu á íslenskum vinnumarkaði í áratugi sé að ræða.

Formannaráð BSRB bendir einnig á að áminningarskyldan hindri ekki uppsagnir heldur tryggi að þær séu málefnalegar og sanngjarnar. Hún sé lágmarksvernd gegn geðþótta og misbeitingu valds og sambærileg vernd sé viðurkennd bæði hérlendis og á hinum Norðurlöndunum. Afnám hennar myndi veikja starfsöryggi ríkisstarfsmanna verulega og gæti haft víðtæk áhrif á allan opinbera vinnumarkaðinn, þar sem sveitarfélög gætu fylgt í kjölfarið.

Formannaráð BSRB mótmælir áformunum harðlega og krefst þess að stjórnvöld einbeiti sér í staðinn að raunverulegum lausnum; að bæta starfsaðstæður og tryggja að hið opinbera laði að og haldi í hæft starfsfólk.

Lesa má ályktunina hér sem Formannaráð BSRB sendi frá sér í dag.

Tengt efni

Frétt
Sameyki tekur undir með gagnrýni Verkalýðsmálaráðs Samfylkingarinnar Sameyki styður harða gagnrýni á áform ríkisstjórnarinnar um afnám áminningarskyldu og skerðingu réttinda opinberra starfsmanna.

Lesa grein →

Frétt
Ríkisstjórnin hyggst svipta launafólk réttindum sínum Sameyki hvetur félagsfólk til að kynna sér áformin og áhrif þeirra á ráðningarvernd og réttindi opinberra starfsmanna.

Lesa grein →

Pistill formanna BSRB, KÍ og Fíh
Góð áminning um sanngirni Formenn stéttarfélaganna fjalla um mikilvægi áminningarskyldu og réttlátrar málsmeðferðar í starfi.

Lesa pistil →

Frétt
Ný vefsíða útskýrir hvers vegna áminningarskylda skiptir máli Upplýsingasíðan Góð áminning varpar ljósi á mikilvægi réttlátrar málsmeðferðar og réttindaverndar launafólks.

Lesa grein →