Heilbrigðis- og velferðarnefnd Sameykis boðar til opins málþings um kulnun eða starfsþrot á vinnustað. Málþingið verður haldið þriðjudaginn 1. nóvember, kl. 16:15 til 18:15, á Grettisgötu 89, 1. hæð. Málþinginu verður einnig streymt á "Facebook" síðu Sameykis. Umfjöllunarefnið er einkenni sem benda til þess að einstaklingur sé að fara í starfsþrot eða einkenni sem benda til að einstaklingur eigi við kulnun í starfi að etja. Fjallað verður um leiðir til þess að koma í veg fyrir kulnun í starfi og starfsþrot, hvort sem er á vinnustað eða í einkalífi. Að fyrirlestrum loknum er boðið upp á spurningar og umræður.
Fyrirlesarar
- Ragnhildur Þórðardóttir, betur þekkt sem Ragga nagli, sálfræðingur og þjálfari
- Geir Gunnar Markússon, næringarfræðingur NLFÍ
- Líney Árnadóttir, sérfræðingur á forvarnarsviði hjá Virk starfsendurhæfingu