Súrdeigsbrauð

Súrdeigsbakstur hefur sjaldan verið jafn vinsæll og á síðustu árum en í covid var sem súrdeigsæði hefði gripið allan heiminn. En hvað er eiginlega súrdeig, af hverju þarf að fóðra það og hvernig er súrdeigsbrauð ólíkt hefðbundnu gerbrauði? Á námskeiðinu verður farið yfir helstu þætti súrdeigsbaksturs, hvernig á að hugsa um og viðhalda súrdeigi og hvaða tæki og tól þar og þarf ekki að eiga. Þátttakendur læra helstu handtökin við að baka einfalt og bragðgott súrdeigsbrauð heima hjá sér auk þess sem farið verður yfir hversu fjölbreyttar og ólíkar uppskriftir baka má úr súrdeigi.

Þeir nemendur sem vilja geta nálgast afleggjara af súrdeigsmóður hjá leiðbeinanda námskeiðsins, Ragnheiði Maísól.

Dagsetning:  Miðvikudagur 8. nóvember
Klukkan: 20:00-21:30
Lengd: 1,5 klst.

Staður: Netviðburður– skráðir þátttakendur fá senda krækju með aðgangi að námskeiðinu.

Leiðbeinandi: Ragnheiður Maísól Sturludóttir hefur bakað súrdeigsbrauð í um 10 ár og heldur úti heimasíðunni nybakad.com og Instagram-síðunni nybakad.surdeig auk þess sem hún er stofnandi íslenska súrdeigshópsins á Facebook. Hún er í meistaranámi í þjóðfræði þar sem hún rannsakar samband súrdeigsbakara við súrdeigið sitt. 

Skráðu þig á námskeið í súrdeigsbrauðgerð.