23. ágúst 2013
Hvernig er þinni starfsþróun háttað á haustönn 2013?
Nú eru flestir komnir úr sumarfríi og því ekki úr vegi að minna á eitt mikilvægt verkefni sem allir starfsmenn verða að sinna en það er að huga að starfsþróun sinni.
Bæklingar frá símenntunarmiðstöðvum eru byrjaðir að detta inn um póstlúguna og auglýsingar að birtast í miðlum. Þar á meðal er bæklingur frá Fræðslusetrinu Starfsmennt þar sem má finna fjölbreyttar leiðir til að bæta við sig þekkingu og færni.
Öll þjónusta Starfsmenntar er félagsmönnum SFR að kostnaðarlausu.
Hér má nálgast rafræna útgáfu bæklingsins en í honum eru upplýsingar um almenn námskeið, fjarkennt tölvunám, starfstengdar námsleiðir og ráðgjafaþjónustu við stofnanir.
Allar nánari upplýsingar um nám og þjónustu má fá á www.smennt.is þar sem skráning og önnur rafræn umsýsla náms fer fram.