4. desember 2013
Jólaundirbúningurinn hjá SFR félögum í fullum gangi
Félagsmenn SFR hafa verið duglegir í jólaundirbúningi undanfarið. Á vegum Gott að vita var boðið upp á námskeið í konfektgerð, þá nýttu nokkir áhugasamir félagsmenn sér árlegt námskeið félagsins í jólaföndri sem haldið var í Reykjavík. Í ár var einnig boðið upp á jólaföndursnámskeið á Blönduósi í samstarfi við Farskólann og jólakortagerð á Akureyri í samstarf við stéttarfélagið Kjöl og Símey. Námskeiðin voru eina kvöldstund og bjuggu þátttakendur til konfekt, jólakort og fallega jólakransa undir leiðsögn kennara. Konfektið tóku þátttakendur með sér heim og kransinn verður væntanlega hafður til skrauts yfir hátíðirnar og jólakortin munu alveg örugglega rata inn um lúgum hjá heppnum vinum jólakortaföndursmeistaranna.
Konfektgerð í Reykjavík
Jólaföndur í Reykjavík
Jólaföndur á Blönduósi