28. apríl 2014
Skrifað undir kjarasamning við RARIK
Samningur SA vegna RARIK ohf. og SFR var undirritaður í dag, 28. apríl. Kynningarfundur um samninginn verður haldinn 6. maí hjá RARIK. Rafræn atkvæðagreiðsla verður um samninginn og er hún í undirbúningi og verður væntanlega opin 6. og 7. maí. Samningurinn gildir frá 1. febrúar 2014 til 28. febrúar 2015.
Helstu atriði samningins eru að hinn 1. febrúar 2014 skulu laun og launataxtar hækka um 2,8%, þó að lágmarki kr. 8.000 á mánuði fyrir dagvinnu miðað við fullt starf. Aðrir kjaratengdir liðir hækka um 2,8% á sama tíma. Launataxtar undir kr. 230.000 hækka aukalega um kr. 1.750. Í stað launabreytinga frá 1. janúar 2014 greiðist sérstök eingreiðsla, kr. 14.600 m.v. fullt starf, enda hafi starfsmaður starfað í janúar og var enn í starfi 1. febrúar 2014.
Orlofsuppbót fyrir orlofsárið sem hefst 1. maí 2014 miðað við fullt starf á árinu 2014 verður kr. 39.500 (var kr. 28.700). Desemberuppbót miðað við fullt starf er á árinu 2014 kr. 73.600 (var kr. 52.100).
Smelltu hér til að opna samninginn.