SFR á jafnréttisráðstefnu Nordisk Forum 2014 í Malmö

Hér eru 15 af 27 fulltrúum SFR á ráðstefnunni fyrir framan Arena þar sem ráðstefnan fór fram.

Dagana 12. - 15. júní var haldin jafnréttisráðstefna Nordisk Forum í Malmö, en 27 fulltrúar úr hópi trúnaðarmanna og starfsmanna SFR sóttu hana. Á ráðstefnunni voru um 6000 manns frá öllum Norðurlöndunum en einnig fleiri löndum. Yfirskrift ráðstefnunnar var New action - skilaboðin eru sterk, við skulum meta þaðsem áunnist hefur en þörfin á að finna nýjar leiðir, tæki og tól í jafnréttisbaráttunni er mikil. Dagskráin var afar fjölbreytt og hlýddu fulltrúar SFR m.a. á fyrirlestra og umræður um launajafnrétti, valdaskiptingu heimsins, jafnréttismál á vinnumarkaði og umhverfismál út frá feminískum sjónarhóli svo eitthvað sé nefnt.

Vigdís Finnbogadóttir, fyrsta konan sem var lýðræðislega kjörinn forseti, flutti framsögu og tók þátt í umræðum á stóra sviðinu, þar sem var rætt um konur með völd og ákvarðanatöku.

Halla Gunnarsdóttir, fyrrum aðstoðarmaður Ögmundar Jónassonar þáverandi innanríkisráðherra, flutti framsögu og tók þátt í umræðum um hlutverk fjölmiðla, samfélagsmiðla og veraldarvefsins þegar kemur að jafnrétti.

Hægt er að nálgast upptökur af hluta af fyrirlestrum ráðstefnunnar hér.

 
Beðið eftir strætó til að komast á ráðstefnusvæðið.

Önnur hópmynd fyrir utan ráðstefnuhöllina, en ánægjulegt var að meðal fulltrúa SFR voru bæði konur og karlar, enda skiptir jafnrétti jafnmiklu máli fyrir bæði kynin .