Stekkjarhóll endurnýjaður

Nú hefur verið lokið við að endurbyggja og stækka tvö af fjórum húsum SFR í Stekkjarhólnum í Munaðarnesi. Húsin eru hin glæsilegustu og hefur allt verið endurnýjað með svipuðum hætti og í öðrum húsum SFR á svæðinu. Húsin verða opnuð fyrir útleigu frá og með deginum í dag næstkomandi og fram til loka febrúar, eins og önnur orlofshús SFR. Þessi áfangi endurbyggingar húsa SFR í Munaðarnes er sá næst síðasti og þegar hefur verið hafist handa við að endurbyggja tvö síðustu húsin, sem einnig eru í Stekkjarhóli. Nánari upplýsingar um húsin má finna á bókunarvefnum.

 

 

Húsin eru hin glæsilegustu eins og myndirnar sýna: