Trúnaðarmannaráð fundar

Trúnaðarmannaráð fundaði í gær og fór Árni Stefán Jónsson, formaður SFR m.a. yfir stöðuna í kjaraviðræðunum við ríkið sem eru nýhafnar. Eins og kunnugt er hefur  félagið verið í samstarfi við Landsamband lögreglumanna og Sjúkraliðafélag Íslands í viðræðunum og hafa samninganefndir félaganna þriggja fundað með viðsemjendum.

Af viðræðunum er helst það að frétta samkvæmt því sem Árni tjáði trúnaðarmönnum að starfshópur fulltrúa viðsemjenda og félaganna hefur nú hafist handa við að skoða launaþróun í tengslum við endurnýju launataflanna. Þá fór Árni vel yfir stöðu mála í umræðum um jöfnun lífeyrisréttina og Virk fulltrúar kynntu starf endurhæfingarsjóðsins. Þá kynnti Alma Jóhannsdóttir trúnaðarmannakosningu sem nú er farin af stað en frestur til þess að kjósa nýja trúnaðarmenn er til 31. maí næstkomandi.