29. september 2015
Félög opinberra starfsmanna á norðurlöndunum mótmæla atlögu finnskra stjórnvalda að réttindum starfsmanna
Stjórnvöld í Finnlandi hafa eins og fram hefur komið í fréttum hafnað þríhliða samningum sem einkennt hafa norrænan vinnumarkað til langs tíma, þ.e. með aðkomu verkalýðshreyfingarinnar, atvinnurekanda og stjórnvalda. Með því ganga þau gegn samþykktum Alþjóðavinnumálastofnunar sem tryggja eiga m.a. réttindi og skyldur á vinnumarkaði. Finnskt launafólk hefur lagt niður vinnu og verkalýðsfélög þar í landi hafa mótmælt aðgerðunum.
Fjölmörg norræn og alþjóðleg verkalýðsfélög að SFR meðtöldu hafa mómælt áformum ríkisstjórn Finnlands um að veikja stöðu launafólks í landinu með grófu inngripi í þegar gerða kjarasamninga á vinnumarkaði. Ef áform finnskra stjórvalda ná fram að ganga munu þau rýra mjög réttindi og vinnuaðstæður á finnskum vinnumarkaði og hafa alvarleg áhrif á bæði finnskan og norrænan vinnumarkað allan.