22. september 2016
GOTT AÐ VITA námskeiðin vinsælu
Næstkomandi mánudag (26. sept.) kl 9:00 munum við opna fyrir skráningu á Gott að vita námskeiðunum vinsælu (ekki föstudag eins og stendur í Blaði stéttarfélaganna). Að venju eru námskeiðin haldin í samstarfi við Starfsmannafélag Reykjavíkurborgar og eru félagsmönnum að kostnaðarlausu. Á haustönninni verður m.a. boðið upp á námskeið um jóga, núvitund, skriðsund, matreiðslu, hjólreiðar, skapandi skrif og siðfræði svo fátt eitt sé nefnt. Í samstarfi við Farskóla Norðurlands og Kjöl bjóðum við einnig upp á námskeið á Hvammstanga, Blönduósi og Sauðárkróki.