Vel heppnað aðventukvöld

Aðventukvöld félaganna sem haldið var síðastliðinn fimmtudag tókst afar vel en um fimmtíu manns komu og hlýddu á upplestur og söng. Það voru þau Mikael Torfason, Kristín Steinsdóttir og Eiríkur Bergmann sem lásu upp úr nýútkomnum bókum sínum og Ebba Dís Arnarsdóttir söngnemi í Söngskóla Sigurðar Demetz söng nokkur jólalög. Kvöldið er hjá mörgum orðið tákn um upphaf jólaaðventunnar enda fátt jólalegra en heitt súkkulaði og upplestur úr nýjum jólabókum.