Samtök launafólks vilja samtal við #metoo konur

Í frétt á vef BSRB kemur fram að heildarsamtök launafólks ásamt Kvenréttindafélagi Íslands bjóða #metoo konum til samtals um næstu skref laugardaginn 10. febrúar. Á fundinum er ætlunin að móta tillögur að næstu skrefum og aðgerðum stéttarfélaga og heildarsamtaka launafólks vegna #metoo byltingarinnar. SFR hvetur konur til að skrá sig til leiks og taka þátt í að móta næstu skref.